15:46, 05 - مامىر 2023 | GMT +5
اقمولا وبلىسىنداعى كيروۆسكوە اۋىلىنا قازاقشا اتاۋ بەرىلمەك
استانا. قازاقپارات - اقمولا وبلىسىنداعى كيروۆسكوە اۋىلىنىڭ اتاۋى وزگەرۋى مۇمكىن، دەپ حابارلايدى قازاقپارات ءتىلشىسى.
«اقمولا وبلىسى جاقسى اۋدانى قىزىلساي اۋىلدىق وكرۋگىنە قاراستى كيروۆسكوە اۋىلىنىڭ اتاۋى قاراجون اۋىلى بولىپ وزگەرتىلسىن.
اقمولا وبلىسى اكىمدىگىنىڭ قاۋلىسى مەن اقمولا وبلىستىق ءماسليحاتىنىڭ شەشىمى ونىڭ العاشقى رەسمي جاريالانعان كۇنىنەن كەيىن كۇنتىزبەلىك 10 كۇن وتكەن سوڭ قولدانىسقا ەنگىزىلەدى»، - دەلىنگەن «اشىق» ن ق ا پورتالىندا جاريالانعان بىرلەسكەن شەشىم- جوباسىندا.
قۇجات 22-مامىرعا دەيىن كوپشىلىك تالقىلاۋدا بولادى.
ەسكە سالاي كەتەيىك، بۇعان دەيىن اقمولا وبلىسى بۇلاندى اۋدانىنا قاراستى ەكى اۋىلدىق وكرۋگكە قازاقشا اتاۋ بەرىلگەن ەدى. اتاپ ايتقاندا، ەرگولكا اۋىلدىق وكرۋگى - توقتامىس، ال كارامىشيەۆكا اۋىلدىق وكرۋگى شۇباراعاش بولىپ وزگەرتىلدى.
