شىمكەنتتە جەر قاتىناستارى باسقارماسىنىڭ باسشىلىعى پارا الۋ كۇدىگىنە ءىلىندى
شىمكەنت قالاسى بويىنشا سىبايلاس جەمقورلىققا قارسى قىزمەتى قالانىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ باسشى قۇرامىنا قاتىستى ءبىرقاتار قىلمىستىق ىستەردى تەرگەپ جاتىر.
باسقارما باسشىسى قىزمەتتىك مىندەتتەرىن ورىنداۋ كەزىندە قامقورلىق كورسەتكەنى ءۇشىن ءبولىم باستىقتارىنان 200 مىڭنان 800 مىڭ تەڭگەگە دەيىنگى مولشەردە پارا الدى دەگەن كۇدىككە ىلىنگەن.
ونىڭ ورىنباسارى مەن ءبولىم باستىعى ادامدار توبىمەن الدىن الا ءسوز بايلاۋ ارقىلى كاسىپكەردەن 5 ميلليون تەڭگە كولەمىندە پارا الدى دەپ ايىپتالىپ وتىر. كاسىپكەر پارانى جەر ۋچاسكەسىن مەملەكەت پايداسىنا الۋ كەزىندە بيۋدجەتتەن اقشانى كەدەرگىسىز تولەۋ ءۇشىن بەرگەن.
«سوت كۇدىكتى تۇلعالارعا قاتىستى بۇلتارتپاۋ شارالارىن سانكسيالادى.
سوتقا دەيىنگى تەرگەۋ جالعاسۋدا. قىلمىستىق- پروتسەسسۋالدىق كودەكسىنىڭ 201-بابىنا سايكەس تەرگەۋ مۇددەسىنە وراي وزگە اقپارات جاريا ەتۋگە جاتپايدى. سونىمەن بىرگە، كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق- پروتسەسسۋالدىق كودەكسىنىڭ 19-بابىنىڭ 1-بولىگىنە سايكەس، ءار ادام ونىڭ قىلمىستىق قۇقىق بۇزۋشىلىق جاساۋداعى كىناسى سوت ۇكىمى زاڭدى كۇشىنە ەنبەيىنشە كىناسىز دەپ ەسەپتەلەدى»، - دەپ جازدى داۋرەن ەرعارين.
