پرەزيدەنت وتان قورعاۋشى كۇنىنە ارنالعان سالتاناتتى شاراعا قاتىسادى

استانا. قازاقپارات - بۇگىن مەملەكەت باسشىسى قاسىم- جومارت توقايەۆ وتان قورعاۋشى كۇنىنە ارنالعان مەرەكەلىك شاراعا قاتىسادى. قازاقپارات بۇل تۋرالى اقورداعا سىلتەمە جاساپ حابارلايدى.

ەسكە سالايىق، 7-مامىر – ق ر قارۋلى كۇشتەرىنىڭ قۇرىلعان كۇنى. بۇل كۇندى قازاقستاندىقتار وتان قورعاۋشى كۇنى رەتىندە جىل سايىن اتاپ وتەدى.

1991 -جىلى 25-قازاندا قازاقستان پرەزيدەنتىنىڭ جارلىعىمەن قازاق س س ر مەملەكەتتىك قورعانىس كوميتەتى جاساقتالدى. كەيىن ول قازاقستان رەسپۋبليكاسىنىڭ قورعانىس مينيسترلىگى بولىپ قايتا قۇرىلدى.

1992 -جىلدىڭ 7- مامىرىندا ق ر پرەزيدەنتى بولعان نۇرسۇلتان نازاربايەۆتىڭ ارنايى جارلىعى شىقتى. بۇل جارلىق بويىنشا، رەسپۋبليكا اۋماعىنداعى ك س ر و قارۋلى كۇشتەرىنىڭ قۇرامىنداعى مەكەمەلەر، بولىمدەر، قۇرامالار قازاقستان رەسپۋبليكاسىنىڭ قۇزىرەتىنە بەرىلدى. جوعارعى باس قولباسشى رەتىندە قارۋلى كۇشتەردى باسقارۋدى پرەزيدەنت ءوز موينىنا الدى. پرەزيدەنتتەن باسقا قورعانىس ىسىمەن تىكەلەي شۇعىلداناتىن العاشقى قورعانىس ءمينيسترى قىزمەتىنە گەنەرال- پولكوۆنيك ساعادات نۇرماعامبەتوۆ تاعايىندالدى.

7-مامىر قازاقستاندا مەرەكەلىك دەمالىس كۇنى بولىپ سانالادى.