تۋريستەرگە تالاسقاندار جاپپاي توبەلەستى

استانا. قازاقپارات - مىسىردىڭ حۋرگادا قالاسىندا تۋرسيتەرگە تالاسقان جەرگىلىكتى تۇرعىندار جاپپاي توبەلەسىپ، وندا جەتى ادام زارداپ شەكتى، - دەپ حابارلايدى Tengritravel.kz ءتىلشىسى.

توبەلەس كافە قىزمەتكەرلەرى مەن كورشىلەس كولىك جۋۋ جۇمىسشىلارى اراسىندا بولعان ەكەن. جەرگىلىكتى ب ا ق مالىمەتىنشە، باسىندا كافە قىزمەتكەرى كولىك جۋۋ جۇمىسشىسىمەن جانجالداسقان. ولار ءوز اۋماعىن كەڭەيتىپ، كافەنىڭ تەرەزەسى الدىندا موتوسيكلدەردى جۋا باستاعان ەكەن. كولىكتى كورىنگەن جەردە جۋۋ مىسىردا سيرەك كەزدەسەتىن قۇبىلىس ەمەس، تەك مۇنداي جاعداي كافەگە كەلۋشىلەردىڭ بەتىن قايتاراتىنى انىق ەدى. وسى سەبەپتى ەكى ارادا جانجال تۋادى.

وسىلايشا، سوزدەن ءسوز شىعىپ، ونىڭ ارتى توبەلەسكە اينالدى.

الدىمەن كافە قىزمەتكەرلەرى كولىك جۋۋشىلاردى سابايدى، ارتىنشا كومەك شاقىرىپ كەلگەن كولىك جۋۋشىلار كافە قىزمەتكەرلەرىنە تاس جاۋدىرعان. ابىروي بولعاندا اۋىر جاراقات العان ەشكىم جوق، توبەلەسكەندەردىڭ دەنەسى سىرىلىپ، جىرىلعان ەكەن. پوليتسيا اجىراتىپ العان.