تۇركىستاندا قاتتى جەلدەن ياساۋي مۋزەيىنىڭ شاتىرى قيرادى - ۆيدەو

استانا. قازاقپارات - تۇركىستان تۇرعىندارى قوجا احمەت ياساۋي مۋزەيىنىڭ قۇرىلىس ساپاسىن تالقىلاپ جاتىر.

سەبەبى ەكپىندى جەلدىڭ سالدارىنان عيماراتتىڭ شاتىرى جارتىلاي زاقىمدالعان. ولار وسى ءساتتىڭ ۆيدەوسىن تاراتىپ جاتىر.

تۇركىستاندىقتاردىڭ ايتۋىنشا، مۋزەي عيماراتى اۋەلدەن-اق ساپاسىز سالىنعان. جاڭبىرلى اۋا رايىندا مۋزەيدىڭ توبەسىنەن سۋ اعادى ەكەن.

تۇركىستان اكىمدىگىنىڭ باسپا ءسوز قىزمەتى ەكپىنى كۇشتى جەلدىڭ سالدارىنان عيماراتتىڭ شاتىرى زاقىمدانعانىن حابارلادى.

«2023 -جىلعى 4-مامىردا ساعات 16:15-شاماسىندا جەلدىڭ قاتتى سوعۋىنىڭ سالدارىنان قوجا احمەت ياساۋي مۋزەيى شاتىرىنىڭ 80 شارشى مەترگە جۋىق اۋماعى (سىرتقى اليۋميندى كاسەتالار) ۇشىپ كەتتى. وبلىستىق»قازگيدرومەت«فيليالىنىڭ مالىمەتىنە سايكەس، شىعىستان سوققان جەل سەكۋندىنا 15-20 مەتر، كۇندىز كەي ۋاقىتتا 25 مەترگە دەيىن جەتكەن. مۋزەيدەگى اقاۋلاردى رەتكە كەلتىرۋ جۇمىستارى جەل توقتاعان سوڭ جاسالادى. قوعامدىق- ساياسي احۋال تۇراقتى»، - دەپ حابارلادى اكىمدىك.

Tengrinews.kz