اتىراۋلىق سپورتشى پانكراتيوننان الەمنىڭ ەكى دۇركىن چەمپيونى اتاندى
اتىراۋ وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنەن ءمالىم ەتكەندەي، الەم چەمپيوناتىنىڭ جالاۋى تاشكەنت قالاسىندا جەلبىرەگەن.
«وزبەكستان رەسپۋبليكاسىنىڭ استاناسى - تاشكەنت قالاسىندا 1-2-مامىردا پانكراتيوننان ەرەسەكتەر اراسىندا الەم چەمپيوناتى ءوتتى. بۇل دودادا قازاقستان ۇلتتىق قۇراماسىنىڭ ساپىندا اتىراۋلىق سپورتشى ادىلبەك قايىرعالي ەل نامىسىن قورعادى. ول 77 كەلى سالماق دارەجەسىندە ءتورت كەزدەسۋ وتكىزدى. الدىمەن ءۇندىستان، وزبەكستان، ۋكراينا ەلدەرىنىڭ سپورتشىلارىن قاپى قالدىردى. ال، اقتىق سىندا قازاقستاندىق سپورتشىنى ۇتتى»، - دەپ حابارلادى باسقارمانىڭ باسپا ءسوز قىزمەتى.
بۇل - اتىراۋلىق سپورشى ادىلبەك قايىرعاليدىڭ الەم چەمپيوناتىنداعى ەكىنشى جەڭىسى. ول بۇعان دەيىن 2019 -جىلى يتاليادا وتكەن الەمدىك دودا چەمپيونات اتانعان. ال، 2021 -جىلى ۋكراينادا جالاۋى جەلبىرەگەن وسىنداي دودادا قولا مەدالعا يە بولعان.
سونداي- اق، تاشكەنتتەگى الەم چەمپيوناتىندا تاعى اتىراۋلىق سپورتشى ايكورىك قۋاندىقوۆا كۇمىس جۇلدەگەر اتاندى.
ەسكە سالا كەتەلىك، بۇدان بۇرىن اتىراۋلىق دزيۋدوشى قىز ەۋروپا كۋبوگىنىڭ كۇمىس جۇلدەسىن يەلەنگەنىن حابارلاعان بولاتىنبىز.
اتىراۋلىق دزيۋدوشى ەسيمگۋل كۋيۋلوۆا حورۆاتيا رەسپۋبليكاسىنىڭ دۋبروۆنيك قالاسىندا ەۋروپا كۋبوگىندە 63 كەلىدە ب ا ق سىنادى. ول ىرىكتەۋ كەزەڭىندە قازاقستاندىق دزيۋدوشى دانيا مەن حورۆاتيادان، گوللانديا ەلىنەن قاتىسقان بالۋانداردى ۇتقان. ال، جارتىلاي فينالدا حورۆاتيانىڭ تاعى ءبىر سپورتشىسىنان باسىم تۇسكەن. تەك اقتىق سىندا گەرمانيا ەلىنىڭ سپورتشىسىنان ۇتىلدى.
