تاعى ءبىر قازاقستاندىق فيلم شەتەلدىك كينوپروكاتقا شىقتى

استانا. قازاقپارات - بىشكەكتە «كەلىنجان» فيلمىنىڭ جابىق كورسەتىلىمى ءوتتى. وسىلايشا وتاندىق اگەنتتىكتىڭ تاپسىرىسىمەن تۇسىرىلگەن فيلم العاش رەت شەتەلدىك كينوپروكاتقا شىعىپ وتىر، دەپ حابارلايدى قازاقپارات ءتىلشىسى.

«حاباردىڭ» فيلمى العاش رەت شەتەلدىك كينوپروكاتقا شىقتى. باۋىرلاس ەلدىڭ كورەرمەندەرى ءۇشىن قىرعىز تىلىنە اۋدارىلعان فيلمنىڭ جابىق كورسەتىلىمىنە قىرعىز كينەماتوگرافيا دەپارتامەنتىنىڭ، جەرگىلىكتى ب ا ق- تىڭ وكىلدەرى مەن بلوگەرلەر، سونداي- اق قازاقستاننىڭ قىرعىزستانداعى ەلشىلىگى قىزمەتكەرلەرى مەن «حابار» اگەنتتىگىنىڭ وكىلدەرى قاتىستى.

«بۇل - اگەنتتىكتىڭ ءوز ءونىمىن العاش رەت باسقا تىلدە دۋبلياج جاساپ، شەتەلگە شىعارۋى. «كەلىنجان» سەريالىن YouTube پلاتفورماسىندا كوپ كورگەن، جاقسى پىكىرىلەر جازىپ، قىزىعۋشىلىق تانىتقان قىرعىز اۋديتورياسى بولعاندىقتان، تولىقمەتراجدى ءفيلمدى قىرعىزداردىڭ انا تىلىنە اۋدارىپ، سول ەلدە كورسەتۋ تۋرالى شەشىم قابىلدانعان بولاتىن. سەرىكتەس كومپانيانىڭ مالىمەتىنە سۇيەسەك، «كەلىنجاننىڭ» كورسەتىلەتىنى تۋرالى اقپاراتتى حالىق وتە جاقسى قابىلداعان»، - دەدى «حابار» اگەنتتىگى ا ق باسقارما ءتوراعاسىنىڭ ورىنباسارى دانيار مەڭىلبەكوۆ.