اعزاڭىزدا ىشەك قۇرتتارى بار ەكەنىن قالاي بىلۋگە بولادى؟

استانا. قازاقپارات - ىشەك قۇرتتارى سالدارىنان تۋىندايتىن اۋرۋدى «جۋىلماعان قول اۋرۋى» دەپ تە اتايدى. قولىڭىزدى ءجيى جانە ۇزاق جۋىپ جۇرسەڭىز دە، كەيدە بازاردا جۋىلماعان جەمىستىڭ ءدامىن كورەسىز نەمەسە اۋلادا جۇرگەن مىسىقتى سيپايسىز.

مۇنىڭ بارلىعى قۇرتتاردى جۇقتىرۋ قاۋپىن ارتتىرادى. اعزادا ىشەك قۇرتتارى بارىن قانداي بەلگىلەردەن بىلۋگە بولادى؟

ادەتتە، گەلمينتتەر سالدارىنان داميتىن اۋرۋدى گەلمينتوز دەپ اتايدى. بۇل اۋرۋ ولار اعزاعا ءتۇسىپ، سول جەردە ونىڭ جۇمىرتقالارى مەن دەرناسىلدەرى پايدا بولعان كەزدە داميدى.

ىشەك قۇرتتارى اعزاعا قالاي تۇسەدى؟

ادام گيگيەنانى ساقتامايدى. ول دالادان ۇيگە كىرگەن كەزدە نەمەسە دارەتحانادان شىققان كەزدە قولىن جۋمايدى؛

ول ۇنەمى تىرناعىن تىستەپ وتىرادى، زاتتاردى (مىسالى، قارىنداش نەمەسە قالام) اۋزىنا سالادى، ساۋساعىن سورادى؛

سونداي- اق ۇيدە ءۇي جانۋارلارى بولسا، ادامدار ءجيى گەلمينتوزبەن اۋىرادى؛

جەمىستەر مەن كوكونىستەردى دۇرىس جۋمايدى؛

كەيدە تازا بولماسا، شيكى سۋ دا قاۋىپ توندىرەدى؛

بالىق پەن ەتتى دۇرىس وڭدەمەۋ؛

ءۇيدى ىلعال تازالاماۋ، ءۇيدىڭ ىشىندە سىرتقى اياق كيىممەن ءجۇرۋ؛

ىشەك قۇرتتارى اعزاسىندا پارازيتتەرى بار ادامنىڭ جەكە قۇرالدارى ارقىلى جۇعا الادى.

اعزادا ىشەك قۇرتتارىنىڭ بار ەكەنىن كورسەتەتىن بەلگىلەر

تىك ىشەكتىڭ قىشۋى؛

ۇيىقتاپ جاتىپ ءتىستى سىقىرلاتۋ؛

ۇيىقتاپ جاتقاندا اۋىزدان سىلەكەي اعۋ؛

تاڭەرتەڭ ءتىس تازالاعاندا جۇرەك اينۋ؛

اياق- قول ساۋساقتارى تەرىسىنىڭ قابىرشاقتانىپ ءتۇسۋى؛

قارىن اشا بەرۋ؛

تەرىگە اللەرگيالىق بورتپەنىڭ شىعۋى؛

سوزىلمالى شارشاڭقىلىق سيندرومى؛

تەرىنىڭ قىشۋى؛

ءىشتىڭ كەبۋى، ءىشتىڭ شۇقىرلاۋى، تۇراقسىز ءناجىس. اسقازان- ىشەك جولىنىڭ كەز كەلگەن پروبلەمالارى؛

دەنە ماسساسىنىڭ از بولۋى نەمەسە كەرىسىنشە، ارتىق بولۋى؛

ءىشتىڭ اۋىرۋى؛

انەميا؛

كوز استىنىڭ قارايۋى؛

اۋىزدان جاعىمسىز ءيىس شىعۋ.

ەگەر سىزدە نەمەسە بالاڭىزدا وسى بەلگىلەر بايقالسا، مىندەتتى تۇردە دارىگەرگە قارالىپ، اناليزدەر تاپسىرىپ، ىشەك قۇرتتارىن جوياتىن دارىلەر جازىپ بەرۋىن سۇراعان دۇرىس.

massaget.kz