تاجىكستان جوعارى وقۋ ورىندارىندا قازاقستانمەن بىرلەسكەن فاكۋلتەتتەر اشىلۋى مۇمكىن
بۇل تۋرالى مەملەكەت باسشىسى قاسىم- جومارت پرەزيدەنتتەردىڭ بىرلەسكەن مالىمدەمەسىندە ايتتى، دەپ حابارلايدى قازاقپارات ءتىلشىسى.
«ءبىز مادەني- گۋمانيتارلىق بايلانىستاردى نىعايتۋعا ەرەكشە كوڭىل ءبولىپ وتىرمىز. بۇل سالا ءبىزدىڭ باۋىرلاس حالىقتاردى بايلانىستىراتىن ماڭىزدى سالا بولىپ ەسەپتەلەدى. قازاقستاندا تاجىكستاننىڭ مادەني كۇندەرىن وتكىزۋ، وزگە بىرلەسكەن كاسىپورىندار قۇرۋ تۋرالى كەلىسىمگە قول جەتكىزدىك. بۇل دا مەملەكەتتەرىمىزدىڭ اراسىنداعى بايلانىستىڭ تىعىز ەكەنىن ايعاقتايدى»، - دەدى مەملەكەت باسشىسى.
پرەزيدەنتتىڭ ايتۋىنشا، ەكى تاراپ تا ءبىلىم بەرۋ سالاسىنداعى ارىپتەستىكتى تەرەڭدەتۋگە مۇددەلى.
«قازاقستان تاجىكستاننان بىزدەگى جوعارى وقۋ ورىندارىنا كەلەتىن ستۋدەنتتەرگە ارنالعان گرانتتاردىڭ سانىن ارتتىردى. قازاقستاندىق جوعارى وقۋ ورىندارىنىڭ فيليالدارىن اشۋدىڭ كەلەشەگى تۋرالى ماسەلەنى ەگجەي- تەگجەيلى تالقىلادىق. بالكىم تاجىكستان جوعارى وقۋ ورىندارىنىڭ بازاسىندا بىرلەسكەن فاكۋلتەتتەر اشىلاتىن شىعار. بۇل شارالار ەكى ەل جاستارىنىڭ ءارى قاراي دا جاقىنداسۋىنا، حالقىمىزدىڭ اراسىنداعى دوستىق قاتىناستاردىڭ بەكۋىنە جول اشاتىنىنا سەنىمدىمىن»، - دەدى قاسم- جومارت توقايەۆ.
