سەنات جوعارعى سوت سۋدياسىن قىزمەتىنەن بوساتتى

استانا. قازاقپارات - بۇگىن سەناتتىڭ جالپى وتىرىسىندا جوعارعى سوتتىڭ سۋدياسى دانا توقمىرزينا قىزمەتىنەن بوساتىلدى، دەپ حابارلايدى قازاقپارات ءتىلشىسى.

جوعارى سوت كەڭەسىنىڭ ءتوراعاسى دەنيس شيپپ بۇل سۋديا باسقا جۇمىسقا اۋىسۋىنا بايلانىستى قىزمەتىنەن بوساتىلۋى كەرەك ەكەنىن ايتتى.

وسى ورايدا پارلامەنت سەناتىنىڭ قاراۋىنا دانا ايتماعانبەت قىزى توقمىرزينانى جوعارعى سوت سۋدياسى قىزمەتىنەن بوساتۋ ۇسىنىمى ەنگىزىلدى.

پالاتا وتىرىسىندا دەپۋتاتتار اتالعان ۇسىنىمعا قولداۋ ءبىلدىردى.

بۇدان بۇرىن حابارلانعانداي، جوعارعى سوت كەڭەسىنىڭ ءرولى مەن مارتەبەسى كۇشەيتىلەدى.