دۇنيەجۇزىلىك بانكتىڭ جاڭا پرەزيدەنتى سايلاندى

استانا. قازاقپارات - دۇنيەجۇزىلىك بانكتىڭ جاڭا پرەزيدەنتى بولىپ ءۇندىستاندىق- امەريكالىق كاسىپكەر ادجاي بانگا سايلاندى.

بۇرىن ول ۇزاق ۋاقىت MasterCard كومپانياسىن باسقارعان، دەپ حابارلايدى قازاقپارات Euronews-كە سىلتەمە جاساپ.

63 جاستاعى كاسىپكەر بۇل ورىنعا جالعىز ۇمىتكەر بولدى. دەگەنمەن، شەشىم ءبىراۋىزدان قابىلدانبادى: رەسەي وكىلى قالىس قالدى.

ءداستۇر بويىنشا دۇنيەجۇزىلىك بانك پرەزيدەنتى امەريكا ازاماتى بولادى، ونى ا ق ش پرەزيدەنتى ۇسىنادى.

بانكتىڭ بۇعان دەيىنگى باسشىسى دەۆيد مالپاس قىزمەتىنەن مەرزىمىنەن 1 جىل بۇرىن كەتەدى. ونىڭ ناقتى سەبەبى رەسمي ايتىلعان جوق.