ەجەلگى اڭىزدار نەگىزىندە انيماتسيالىق الماناح جاساپ شىعارىلادى - مينيسترلىك
مينيسترلىك مالىمەتىنە سايكەس، جوبا اياسىندا 2023 -جىلى حرونومەتراجى 5 مينۋتتان اساتىن كەمىندە 10 انيماتسيالىق تۋىندى جارىققا شىعادى دەپ كۇتىلۋدە.
قازىر سەناريلەرگە بايقاۋ جاريالاندى. وعان: تۇركىتىلدەس ەلدەردىڭ ۇلى تۇلعالارى، قاسيەتتى جانۋارلارى مەن جەر-سۋ اتاۋلارى، تۇركىتىلدەس ەلدەردىڭ ورتاق مەرەكەلەرى مەن ۇلتتىق ويىن- ساۋىقتارى تۋرالى اڭىزدار تاقىرىپتارىندا شىعارماشىلىق جۇمىستار قابىلدانادى.
پيتچينگ قورىتىندىسى بويىنشا تاڭدالعان 10 ۇزدىك جوبا اشىق قورعاۋ مۇمكىندىگىنە يە بولادى.
«بۇل جوبانىڭ ماڭىزى وتە ۇلكەن. قازىر سەناريلەر بايقاۋى جاريالاندى. ءبىز اۆتورلارعا وتكەن تاريحىمىزدى بۇگىنگى كۇنمەن بايلانىستىرۋعا بولاتىنداي شىعارماشىلىق ەركىندىك بەرىپ وتىرمىز. سول سەبەپتى ۇمىتكەرلەردەن تاقىرىپقا ساي جانە كوركەمدىك دەڭگەيى جوعارى جۇمىستار كۇتەمىز»، - دەدى «قازاق فيلم» كينوستۋدياسىنىڭ ۆيتسە-پرەزيدەنتى سەرىك ابىشەۆ.
