09:25, 04 - مامىر 2023 | GMT +5
شىلدە ايىندا قازاقستاندا بوكستان ازيا چەمپيوناتى وتەدى
استانا. قازاقپارات - شىلدەدە استانا قالاسىندا جاستار مەن جاسوسپىرىمدەر اراسىنداعى بوكستان ازيا چەمپيوناتى وتەدى، دەپ حابارلايدى قازاقپارات ازيا بوكس كونفەدەراتسياسىنىڭ باسپا ءسوز قىزمەتىنە (ASBC) سىلتەمە جاساپ.
«ازيا بوكس كونفەدەراتسياسى باسشىلىعى بيىل جاستار مەن جاسوسپىرىمدەر اراسىنداعى ازيا چەمپيوناتى قازاقستاندا، استانادا 14-30-شىلدە ارالىعىندا وتەتىنىن راستادى. قازاقستان بوكس فەدەراتسياسى بۇعان دەيىن ازيا چەمپيوناتىن 2016 -جىلى پاۆلوداردا وتكىزگەن بولاتىن. جەتى جىلدىق ۇزىلىستەن كەيىن نەگىزگى وقيعا ەلىمىزگە قايتا ورالماق.
جاستار مەن جاسوسپىرىمدەر اراسىنداعى بوكستان ازيا چەمپيوناتى تۋرالى بارلىق اقپارات، كوماندا دەلەگاتسياسى ءتىزىمى، ءوتىنىم ۇلگىسى مەن كەستەسى ۇلتتىق فەدەراتسيالار ءۇشىن جاقىن ارادا دايىن بولادى. جاستار اراسىنداعى چەمپيوناتقا 2005 جانە 2006 -جىلى تۋعان بوكسشىلار قاتىسادى. ال 2007 جانە 2008 -جىلى دۇنيەگە كەلگەن بالالار جاسوسپىرىمدەر اراسىنداعى جارىستا باق سىنايدى»، - دەلىنگەن ASBC حابارلاماسىندا.
