كانەلو باۋىرلارىمەن بىرگە گيننەس رەكوردتار كىتابىنا ەندى
«كانەلو» مەن ونىڭ 6 باۋىرى گيننەس رەكوردتار كىتابىنىڭ رەسمي وكىلدەرىنەن سەرتيفيكات الدى. ولار «ءبىر بوكس كەشىندە جۇدىرىقتاسقان ەڭ كوپ باۋىرلار» رەتىندە رەكورد تىركەدى. اڭگىمە 2008 -جىلى ساپوپانداعى بوكس كەشى تۋرالى بولىپ وتىر. سول كەزدە رينگكە جەتى الۆارەس شىقتى: ساۋل الۆارەس (58-2-2، 39 ك و)، ريگوبەرتو الۆارەس (27-4، 20 ك و)، رامون الۆارەس (29-8-3، 16 ك و)، ريكاردو الۆارەس (24-3-3، 14 ك و)، گونسالو الۆارەس (0-1)، دانيەل الۆارەس (0-1) جانە ۆيكتور الۆارەس (0-2) .
ايتا كەتەيىك، «كانەلو» الداعى كەلەسى ايقاسىن اتالعان ساپوپاندا وتكىزەدى. ول بريتانيالىق دجون رايدەرگە (32-5، 18 ك و) قارسى شىعادى. جەڭىمپاز سۋپەر ورتا سالماقتاعى بارلىق الەم چەمپيونى بەلبەۋلەرىن يەلەنەدى. ديۆيزيوننىڭ قازىرگى ءابسوليۋتتى چەمپيونى - «كانەلو».
ونىڭ وسىعان دەيىنگى جەكپە-جەگىنە كەلەر بولساق، 2022 -جىلدىڭ قىركۇيەگىندە ول تورەشىلەردىڭ ءبىراۋىزدى شەشىمىمەن قازاقستاندىق بوكسشى گەننادي گولوۆكيننەن باسىم تۇسكەن بولاتىن (42-2-1، 37 ك و).
