استاناداعى تۇرعىن ءۇي كەشەنى ماڭىنان ءورت شىقتى - فوتو

استانا. قازاقپارات - ەلوردالىق «بريۋسسەل» تۇرعىن ءۇي كەشەنى ماڭىنداعى قامىستان ءورت شىقتى، دەپ حابارلايدى قازاقپارات استانا ت ج د باسپا ءسوز قىزمەتىنە سىلتەمە جاساپ.

«3-مامىر كۇنى ساعات 20:50-دە استانا ت ج د ءورت ءسوندىرۋ بولىمشەلەرى قايىم مۇحامەدحانوۆ كوشەسى، 28ا مەكەنجايى بويىنشا شاقىرۋعا شىقتى. ءورت سوندىرۋشىلەر كەلگەندە شامامەن 400-500 شارشى مەتر اۋماقتا قامىس پەن قۇرعاق ءشوپتىڭ جانعانىن انىقتادى»، - دەپ جازدى ەلوردالىق ت ج د.

ماماندار ءورتتى وقشاۋلاي الدى.

«قامىس ءورتى توقتاتىلدى، شامامەن 1000 شارشى مەتر اۋماق ورتەنىپ كەتكەن. ونى سوندىرۋگە قالالىق ت ج دەپارتامەنتىنىڭ جەكە قۇرامىنان 14 ادام جانە 3 تەحنيكا جۇمىلدىرىلدى»، - دەپ تولىقتىردى ۆەدومستۆو.