07:24, 04 - مامىر 2023 | GMT +5
ماڭعىستاۋدا قاراۋسىز جاتقان ۇڭعىدان مۇناي اتقىلادى
اقتاۋ. قازاقپارات - ماڭعىستاۋ وبلىسى قاراقيا اۋدانى ماڭىنداعى قاراۋسىز جاتقان ۇڭعىدان مۇناي اتقىلاعان. سالدارىنان جەر ءبۇلىنىپ، قورشاعان ورتاعا زالال كەلتىرىلدى، دەپ حابارلايدى قازاقپارات ءتىلشىسى.
بۇل جاعداي بويىنشا ەكولوگيا دەپارتامەنتىنىڭ ماماندارى تەكسەرۋ جۇرگىزگەن. ناتيجەسىندە ەكولوگيالىق اپات بولعان جەر «شالۆا» جانە «كامينيستوە نەفت» سەرىكتەستىكتەرىنە تيەسىلى ەكەنى انىقتالدى. الايدا اتالعان مەكەمەلەر 2017 -جىلدان بەرى قىزمەتىن توقتاتقان. قازىر مۇناي سالاسىنداعى وزگە كومپانياعا ءوتىنىش جىبەرىلىپ، بۇلىنگەن جەر زالالسىزداندىرىلىپ جاتىر.
«دەپارتامەنت تارپىنان جانە ۋاكىلەتتى ورگانداردىڭ تاراپىنان جۇمىستار جۇرگىزىلىپ، ماسەلەنى شەشۋ جونىندە ياعني اتالعان جەردى يگەرۋ بويىنشا ءتيىستى مەملەكەتتىك مەكەمەلەرگە حات جولداندى. جۇمىستار جۇرگىزىلىپ جاتىر»، - دەدى ماڭعىستاۋ وبلىستىق ەكولوگيا دەپارتامەنتىنىڭ ءبولىم باسشىسى گۇلىم ۇلىقپانوۆا.
