ەسەكتىڭ ءسۇتىن ەمدىك ماقساتتا ىشۋگە بولا ما؟
بۇل جايلى ق م د ب شاريعات جانە ءپاتۋا ءبولىمىنىڭ مامانى باۋىرجان ابدۋاليەۆ ايتتى، - دەپ Muftyat.kz.
ەسەكتىڭ ءسۇتى - عۇلامالاردىڭ اراسىندا تارتىستى ماسەلە. ءفاتحۋ ءال-قادير اتتى كىتاپتا زاھير ريۋايات بويىنشا ەسەكتىڭ ءسۇتى ءناجىس ەكەنى، سونداي-اق، اينۋ ءال-ءايممانىڭ: «دۇرىسى ەسەكتىڭ ءسۇتى اۋىر ءناجىس سانالادى. ويتكەنى ول ءيجماع بويىنشا حارام ەتىلگەن»، - دەگەن ءسوزى كەلتىرىلگەن.
دەمەك ەسەكتىڭ ەتى دە، ءسۇتى دە - حارام ءارى ءناجىس. بۇلاردى جەۋگە دە، ىشۋگە دە بولمايدى.
ەندى ەسەكتىڭ سۇتىمەن ەمدەلۋگە كەلسەك، يبن ءان-نۋجايم ءال-حانافي: «عالىمدارىمىز حارام نارسەلەرمەن ەمدەلۋ ۇكىمىنە قاتىستى ءبىر شەشىمگە كەلىسپەگەن. الايدا «ءاز-زاحيرا» كىتابىندا: «حارامنان باسقا ەش ەم تابىلماسا جانە ونىڭ قۇرامىندا شيپانىڭ بارلىعى ناقتى بولسا، ونىمەن ەمدەلۋگە رۇقسات»، - دەيدى. ال پايعامبارىمىزدىڭ «اللا تاعالانىڭ حارام ەتكەن نارسەلەرىندە سەندەرگە شيپا جوق» دەگەن ءحاديسى قۇرامىندا شيپا بولماعان نارسەلەردى عانا كوزدەيدى. ەگەر ونىڭ قۇرامىندا شيپا بارى انىقتالسا ءارى ونىڭ ورنىن باساتىن باسقا ءدارى تابىلماسا قولدانۋدىڭ زيانى جوق.
سوندىقتان ءادىل ءارى سەنىمدى مۇسىلمان دارىگەر اۋرۋدىڭ جالعىز ەمى - ەسەكتىڭ ءسۇتىن ءىشۋ جانە ونىڭ ەش زيانى جوق دەگەن قورىتىندى جاساعان جاعدايدا ءارى وعان تەڭ كەلەتىن حالال ءدارى تابىلماسا، وندا ونى ەمدىك ماقساتتا قولدانۋعا بولادى.
