بوكستان الەم چەمپيوناتى: قازاقستاندىق بوكسشى جارىس جولىنان شىعىپ قالدى

استانا. قازاقپارات - وزبەكستان استاناسى تاشكەنتتە بوكستان ەرلەر اراسىندا ءوتىپ جاتقان الەم چەمپيوناتىندا تالعات سىرىمبەتوۆ كەلەسى كەزەڭگە وتە المادى، دەپ حابارلايدى قازاقپارات ءتىلشىسى.

قازاقستاندىق بوكسشى 60 كەلىگە دەيىنگى سالماقتا 1/16 فينالدا وتكەن جىلعى ازيا چەمپيونى، يوردانيالىق موحامەد ابۋ-دجادجەحپەن جۇدىرىقتاستى.

بۇل الەم چەمپيوناتىنا ءبىرىنشى رەت قاتىسىپ وتىرعان 22 جاستاعى ت. سىرىمبەتوۆتىڭ ەكىنشى جەكپە-جەگى ەدى.

تالعات بىردەن شابۋىلعا كوشىپ، سوققىلارىن ءجيى دارىتۋعا تىرىستى. ءبىراق ءبىرىنشى راۋندتا تورەشىلەر يوردانيالىق بوكسشى باسىم دەپ تاپتى. ەكىنشى كەزەڭدە م. ابۋ-دجادجەح ەسكەرتۋ دە الدى. بۇل جولى تارازى باسى ت. سىرىمبەتوۆكە اۋدى. ءۇشىنشى راۋندتا تا تالعات ايانىپ قالمادى. الايدا تورەشىلەر جەڭىستى يوردانيالىققا بەردى - 1:4.

ەسكە سالا كەتەيىك، بۇدان بۇرىن بوكستان الەم چەمپيوناتىندا ساعىندىق توعامبايدىڭ قارسىلاسىن نوكاۋتپەن ۇتقانىن جازعان بولاتىنبىز.

سونداي-اق ءساناتالى تولتايەۆ كەلەسى كەزەڭگە جولداما الدى.