قازاقستاننان تاجىكستانعا مەديتسينالىق جابدىقتاردى جەتكىزۋ كولەمى ارتادى

استانا. قازاقپارات - قازاقستان تاجىكستانعا ناتري سيانيدىن جەتكىزۋدى جالعاستىرادى.

بۇل تۋرالى ەلوردادا وتكەن بيزنەس- فورۋمدا ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى دينارا شەگلوۆا ايتتى، دەپ حابارلايدى قازاقپارات ءتىلشىسى.

«تاجىكستان رەسپۋبليكاسىنىڭ كاسىپورىندارى ءۇشىن ناتري سيانيدىن («Talas Investment Company» ج ش س) جەتكىزۋ كولەمى جىل سايىن ارتىپ كەلەدى. ءبىز بۇل جەتكىزىلىمدەر بۇگىن قازاقستان مەن تاجىكستان اراسىندا قول قويىلاتىن بىرلەسكەن ءىس- قيمىل جوسپارى اياسىندا بەكىتىلەدى»، - دەدى د. شەگلوۆا.

ونىڭ ايتۋىنشا، قازاقستاننان گلينوزەم جەتكىزۋ كولەمى ءوسىپ كەلەدى. 2023 -جىلدىڭ ءبىرىنشى توقسانىندا 23,07 مىڭ توننا تاسىمالدانىپ، بۇل كورسەتكىش 2022 -جىلعا قاراعاندا 27 پايىزعا ارتىق بولدى.

«بۇدان بولەك، مەديتسينالىق جابدىقتاردى جەتكىزۋ بولىگىندە ىنتىماقتاستىقتى كەڭەيتۋدى ۇسىنىپ وتىرمىز»، - دەدى دينارا شەگلوۆا.

بۇدان بۇرىن حابارلانعانداي، ق ر پرەمەر- ءمينيستردىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعارين قازاقستان- ءتاجىستان بيزنەس فورۋمى اياسىندا تۇسكە دەيىن بيزنەسمەندەر اراسىندا 1 ميلليارد 300 ميلليون دوللاردىڭ كەلىسىمشارتىنا قول قويىلعانىن ايتتى.