14:56, 03 - مامىر 2023 | GMT +5
سوت قايرات قۇدايبەرگەندى قاماۋدا ۇستاۋ مەرزىمىن تاعى ۇزارتتى
الماتى. قازاقپارات - سوت قايرات قۇدايبەرگەندى قاماۋدا ۇستاۋ مەرزىمىن 2023-جىلدىڭ 21- مامىرىنا دەيىن ۇزارتتى، دەپ حابارلايدى قازاقپارات ءتىلشىسى.
«الماتى مامانداندىرىلعان اۋدانارالىق تەرگەۋ سوتىنىڭ 2023-جىلعى 17- ساۋىردەگى اقپاراتى بويىنشا، سوت قاۋلىسىمەن تەرگەۋ ورگاندارىنىڭ ق. -عا قاتىستى قاماۋدا ۇستاۋ مەرزىمىن ۇزارتۋىن سانكسيالاۋ تۋرالى ءوتىنىشى قاناعاتتاندىرىلدى. ياعني 2023-جىلدىڭ 21- مامىرىنا دەيىن»، - دەلىنگەن سوت مالىمەتىندە.
ايتا كەتەيىك، قايرات قۇدايبەرگەننىڭ ۇستالعانى تۋرالى اقپارات 22- ساۋىردە پايدا بولعان ەدى. 24- ءساۋىر كۇنى سوت قاۋلىسىمەن تەرگەۋ ورگاندارىنىڭ ءوتىنىشى قاناعاتتاندىرىلىپ، قايرات قۇدايبەرگەنگە قاتىستى ارەكەتتى سارالاۋ تۋرالى قاۋلى شىعارىلعانعا دەيىن ونى 30 تاۋلىك مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىنا سانكسيا بەرىلگەن بولاتىن. ق. قۇدايبەرگەنگە «ديكي» ارمانمەن بىرگە قاڭتار وقيعاسى كەزىندە ادام جيناۋدى ۇيىمداستىردى دەگەن ايىپ تاعىلىپ وتىر.
