وڭتۇستىك افريكا بيلىگى پۋتيننەن بريكس سامميتىنە كەلمەۋدى سۇرادى

استانا. قازاقپارات - وڭتۇستىك افريكا رەسپۋبليكاسىنىڭ بيلىگى رەسەي باسشىسى ۆلاديمير پۋتيننەن وسى جازدا وڭتۇستىك افريكادا وتەتىن بريكس سامميتىنە كەلمەۋدى سۇرادى.

وعان حالىقارالىق قىلمىستىق سوت رەسەي پرەزيدەنتى ۆلاديمير پۋتيندى ۋكرايناداعى اسكەري قىلمىسى ءۇشىن ايىپتاپ، ونى تۇتقىنداۋعا وردەر بەرگەنى سەبەپ بولدى. بۇل جونىندە وڭتۇستىك افريكالىق Sunday Times باسىلىمى جازدى.

وڭتۇستىك افريكا رەسپۋبليكاسى - ريم ستاتۋتىنا قول قويعان ەلدەردىڭ ءبىرى. سوندىقتان ول ح ق س شەشىمىن ورىنداۋعا مىندەتتى.

«بىزدە پۋتيندى تۇتقىنداۋدان باسقا امال جوق. ەگەر ول كەلسە، تۇتقىنداۋعا ءماجبۇرمىز» دەدى و ا ر ۇكىمەت وكىلى باسىلىمعا.

Sunday Times باسىلىمىنىڭ جازۋىنشا، وتكەن اپتادا و ا ر پرەزيدەنتى سيريل راماپوسا پۋتينگە وردەر بەرىلۋىنە بايلانىستى بيلىكتىڭ ارەكەتىن زەرتتەيتىن ارنايى كوميتەت جەتەكشىسىن تاعايىنداعان. وعان ۆيتسە- پرەزيدەنت جەتەكشىلىك ەتەدى.

باسىلىمنىڭ دەرەككوزىنىڭ ايتۋىنشا، كوميتەتتە پۋتيندى ماسكەۋدەن ۆيدەوبايلانىس ارقىلى سامميتكە قاتىستىرۋدان باسقا امال قالماعان.

اتى- ءجونىن اتاماعان جوعارى لاۋازىمدى شەنەۋنىك باسىلىمعا بۇل بويىنشا پرەتوريا ماسكەۋمەن كەلىسسوز جۇرگىزىپ جاتقانىن راستاعان.

ناۋرىزدىڭ اياعىندا كرەملدىڭ باسپا ءسوز حاتشىسى دميتري پەسكوۆ رەسەي پرەزيدەنتىنىڭ دۋربانداعى سامميتكە قاتىساتىنى جونىندە شەشىم قابىلدانباعانىن ايتقان.

وڭتۇستىك افريكا رەسپۋبليكاسى ماسكەۋمەن تىعىز قارىم- قاتىناس ورناتقان. كرەمل كەزىندە باسقارۋشى «افريكا ۇلتتىق كونگرەسى» پارتياسىنىڭ اپارتەيد رەجيمىمەن كۇرەسىن قولداعان.

بىلتىر رەسەي ۋكرايناعا باسىپ كىرگەن كەزدە و ا ر ماسكەۋدىڭ ارەكەتىن ايىپتاماعان. ول بەيتاراپتىق ۇستانىمدا قالاتىنىن ايتىپ، سوعىستى ديالوگپەن شەشۋدى قولداعان.

17-ناۋرىزدا حالىقارالىق قىلمىستىق سوت ۆلاديمير پۋتيندى تۇتقىنداۋعا وردەر بەرگەن. ول ۋكراينانىڭ رەسەي باسىپ العان اۋماعىنان بالالاردى زاڭسىز تاسىمالدادى دەپ ايىپتالىپ وتىر. وسىعان ۇقساس وردەر رەسەيدەگى بالا قۇقىعىن قورعاۋ جونىندەگى ومبۋدسمەن ماريا لۆوۆا- بەلوۆاعا دا بەرىلدى. شەشىمدى ا ق ش، ەۋرووداقتىڭ باسىم بولىگى مەن ۋكراينا قولداعان.