اگروسالادا قازاقستاننان تاجىكستانعا ەكسپورت ارتىپ كەلەدى
«2022-جىلدىڭ قورىتىندىسى بويىنشا قازاقستان مەن تاجىكستان اراسىندا اگروونەركاسىپ كەشەنى سالاسىندا تاۋار اينالىمى 38 پايىزعا ارتتى. وسى ورايدا بۇل سالاداعى تاۋار اينالىمى 578 ميلليون ا ق ش دوللارىن قۇراپ، ونىڭ 400 ميلليون دوللاردان استامى قازاقستان ەكسپورتىنا تيەسىلى»، - دەدى ە. قاراشوكەيەۆ ەلورداداعى قازاقستان- تاجىكستان بيزنەس- فورۋمىندا تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، اتالعان ەلگە ءداستۇرلى تۇردە استىق ەكسپورتتالىپ جاتىر. سونىمەن قاتار، تاجىكستانعا شۇجىق ونىمدەرى، بالمۇزداق، ماي جانە ەت ونىمدەرىن جەتكىزۋ كولەمى ارتتى.
«جالپى، ەكسپورت قۇرىلىمىندا وڭدەلگەن ءونىمنىڭ ۇلەسى ءوسىپ وتىر. اتاپ ايتقاندا، بيىل وسى سالاداعى تاۋار اينالىمىندا وڭ كورسەتكىشتەر بولادى دەگەن جوسپار بار. ەرتەڭ ەلىمىزگە تاجىكستان پرەزيدەنتى ەمومالي راحمون ساپارمەن كەلەدى. بۇل تۇرعىدا اگروونەركاسىپ كەشەنى سالاسىنداعى ىنتىماقتاستىقتى كەڭەيتۋ باعىتاندا جول كارتاسىنا قول قويىلماق»، - دەدى مينيستر.
ونىڭ سوزىنە قاراعاندا، تاجىكستاننان جەمىس- جيدەك، كوكونىس يمپورتتالىپ جاتىر.
2023 -جىلدىڭ 1- توقسانىندا قازاقستاننان تاجىكستانعا يمپورت كولەمى 200 ميلليون دوللارعا جۋىقتادى. بۇل تۋرالى قازاقستان- تاجىكستان بيزنەس فورۋمىندا پرەمەر- ءمينيستردىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعارين ايتتى، دەپ حابارلايدى قازاقپارات ءتىلشىسى.
«ەلدەرىمىز بۇگىندە ستراتەگيالىق ارىپتەستىك دەڭگەيىنە كوتەرىلگەن شىن مانىندەگى دوستىق قارىم- قاتىناس ورناتتى. تاجىكستان پرەزيدەنتى ەمومالي راحموننىڭ قازاقستانعا مەملەكەتتىك ساپارى قارساڭىندا ءبىز بۇگىنگى ءىس- شارانى باۋىرلاس تاجىكستانمەن ەكىجاقتى ساۋدا- ەكونوميكالىق ىنتىماقتاستىقتى كۇشەيتۋ جونىندەگى بىرلەسكەن نيەتىمىزدى تاعى دا راستاي وتىرىپ وتكىزەمىز. ءبىز تاجىكستانمەن كەڭ اۋقىمدى باعىتتار بويىنشا ودان ءارى جۇمىس ىستەۋگە نيەتتىمىز. تاجىكستان وڭىردەگى نەگىزگى سەرىكتەستەردىڭ ءبىرى سانالادى جانە ساۋدا- ساتتىق جىل سايىن وڭ ديناميكانى كورسەتىپ وتىر»، - دەدى ۆيتسە- پرەمەر.
ماسەلەن، ونىڭ دەرەگىنشە، ەكى ەلدىڭ اراسىنداعى ساۋدا-ساتتىق وتكەن جىلى 18,5 پايىزعا ءوسىپ,1,4 ميلليارد ا ق ش دوللارىنا جەتتى. قازاقستان ەكسپورتى 9,7 پايىزعا ارتىپ، 877 ميلليون ا ق ش دوللارى كولەمىندە بولدى. اتاپ ايتقاندا، استىق ەكسپورتى 29 پايىزعا، مارگارين 7,6 ەسە، كۇنباعىس مايى 42 پايىزعا، ارپا 2,3 ەسە ارتتى. تاجىكستاننان دا يمپورت كولەمى 38 پايىزعا جۋىق ۇلعايىپ، 500 ميلليون دوللارعا جەتتى. قازاقستان تاجىكستاننان مىس كونتسەنتراتتارىن، كەپتىرىلگەن جەمىس، جاڭعاق، مينەرالدى جانە گازدالعان سۋ، كوكونىس پەن جەمىس- جيدەك ساتىپ الادى.
«سونداي- اق، بيىل وسى ءۇردىستىڭ جالعاسىن كورىپ وتىرعانىمىزدى قۋانىشپەن اتاپ وتكەن ءجون. ماسەلەن، قازاقستاننان تاجىكستانعا ەكسپورت ءبىرىنشى توقساندا 22 پايىزعا ءوسىپ، 200 ميلليون دوللارعا جۋىقتادى. وسىلايشا، ەل باسشىلارىنىڭ مەملەكەتتەر اراسىنداعى تاۋار اينالىمىن 1 ميللياردقا دەيىن جەتكىزۋ جونىندەگى العا قويعان مىندەتى ءساتتى ورىندالعانىن اتاپ وتكىم كەلەدى. الايدا، ءبىز مۇنىمەن توقتاپ قالماۋىمىز كەرەك جانە ناتيجەمىزدى ەكى ەسە ارتتىرۋ ءۇشىن ىلگەرىلەۋىمىز قاجەت»، - دەدى سەرىك جۇمانعارين.
