09:41, 03 - مامىر 2023 | GMT +5
تۇركيا پرەزيدەنتى: ەلدىڭ وڭتۇستىك- شىعىسىندا مۇنايدىڭ جاڭا قورى انىقتالدى
استانا. قازاقپارات - تۇركيا پرەزيدەنتى رەجەپ تايپ ەردوعان ەلدىڭ وڭتۇستىك- شىعىسىنداعى شيرناك پروۆينتسياسىنىڭ دجۋدي جانە گابار اۋداندارىندا مۇنايدىڭ جاڭا قورى تابىلعانىن مالىمدەدى، دەپ جازادى قازاقپارات انادولى اگەنتتىگىنە سىلتەمە جاساپ.
تۇركيا باسشىسىنىڭ ايتۋىنشا، جاڭا كەن ورنىنىڭ وندىرىستىك قۋاتى تاۋلىگىنە 100 مىڭ باررەلگە باعالانىپ وتىر.
«مەن جاقسى جاڭالىقپەن بولىسكىم كەلەدى. ءبىز دجۋدي مەن گاباردا وندىرىستىك قۋاتتىلىعى تاۋلىگىنە 100 مىڭ باررەلدى قۇرايتىن مۇناي قورىن تاپتىق»، - دەدى مەملەكەت باسشىسى ەۋروپاداعى ەڭ ءىرى كۇن ەلەكتر ستانسياسىنىڭ (قاراپىنار كەس) اشىلۋىنا جانە كونيا پروۆينتسياسىندا جاقىندا اياقتالعان باسقا دا نىسانداردىڭ ىسكە قوسىلۋىنا ارنالعان سالتاناتتى شارادا.
ر. ەردوعان مۇنايدىڭ قۇرامى «جوعارى ساپالى» ەكەنىن اتاپ ءوتتى.
«قور كۇندەلىكتى تۇتىنۋىمىزدىڭ وننان ءبىر بولىگىن وتەي الادى»، - دەپ قوستى ەل پرەزيدەنتى.
