زەلەنسكيگە داۋلى پىكىر جازعان دەپۋتات باشينسكايا مانداتىن تاپسىردى
بۇل تۋرالى ول Facebook-پاراقشاسىندا جازدى.
«قۇرمەتتى دوستار! مەن ءوز ارەكەتىممەن ەلىمىزدىڭ بەيبىت ساياساتىنا كەدەرگى كەلتىرگىم كەلمەيدى.
وسى كۇندەرى كوپ ويلاندىم جانە ارەكەتىمدى ايىپتاعانداردىڭ سەزىمىن ءتۇسىندىم.
بۇگىنگى وقيعالارعا بايلانىستى مەنىڭ پىكىرىم ورىنسىز بولعانىن تاعى دا اتاپ وتكىم كەلەدى. قوعامدا قيىن جاعداي تۋعىزدىم. وسىعان بايلانىستى پارتيانىڭ رەسمي ۇستانىمىمەن تولىقتاي كەلىسەمىن. جاۋاپكەرشىلىگىمدى سەزىنە وتىرىپ، دەپۋتاتتىق وكىلەتتىكتى توقتاتۋ تۋرالى شەشىم قابىلدايمىن. بارشا وتانداس پەن پارتيالاستان جىبەرگەن قاتەم ءۇشىن شىن جۇرەكتەن كەشىرىم سۇرايمىن. بارشاڭىزعا جاقسىلىق پەن تىنىشتىق تىلەيمىن. ۋكراينا مەن رەسەي حالقىنا تەك بەيبىتشىلىك تىلەيمىن. كەشىرىڭىزدەر، بۇل - مەنىڭ قاتەم. بۇل جايتقا پىكىر جازۋعا قۇقىعىم جوق، ءبىزدىڭ ءوز ەلىمىز بار، مەن دەپۋتات رەتىندە اۋەلى ءوز ەلىمنىڭ يگىلىگىن ويلاۋعا ءتيىسپىن»، - دەدى ول.
ەسكە سالايىق، اننا باشينسكايا ۋكراينا پرەزيدەنتى ۆلاديمير زەلەنسكيدىڭ Deutsche Welle-دەگى مالىمدەمەسىنە «قىرىمنىڭ ورنىنا تۇركياعا شابۋىل جاساۋعا» ۇسىنىس بىلدىرگەن پىكىر قالدىردى. كەيىن دەپۋتات پاراقشاسىندا ويلانباي جاساعان ارەكەتى ءۇشىن كەشىرىم سۇراعان ەدى. بۇل داۋعا قاتىستى Amanat پارتياسى الماتى فيليالىنىڭ ءتوراعاسى ستانيسلاۆ كانكۋروۆ پىكىر ءبىلدىردى.
