مامان الماتىلىقتاردى ءوز بەتىنشە كەنەگە قارسى وڭدەۋ جۇمىستارىن جۇرگىزبەۋگە شاقىردى
سپيكەردىن سوزىنشە، پرەپارات قاۋىپسىز بولسا دا، تۇرعىنداردىڭ ءوز اۋماقتارىندا دەزينفەكتسيا جۇرگىزۋىنە بولمايدى. دەنساۋلىق ساقتاۋ شارالارىن تولىق ۇستانباسا، قاۋىپ ءتونۋى مۇمكىن.
«پرەپارات قاۋىپسىز بولسا دا، بارلىق نۇسقاۋلىقتارعا ساقتاۋ كەرەك. كەنەگە قارسى تازالاۋ جۇمىستارىن ماماندار بارلىق دەزينفەكتسيا شارالارىن ساقتاي وتىرىپ جانە تەك رۇقسات ەتىلگەن، سەرتيفيكاتتالعان پرەپاراتتارمەن جۇرگىزەدى. سەنىمدى جانە سەرتيفيكاتتانعان مامانداردى شاقىرۋعا كەڭەس بەرەمىز»، - دەدى بەرىك بايمۇرزينوۆ.
ورتالىق باسشىسىنىڭ ايتۋىنشا، تازارتۋ جۇمىستارى ەكى كەزەڭدە «فاۆوريت ۆكە» قاۋىپسىز ينسەكتو- اكاريتسيدتىك پرەپاراتىن قولدانا وتىرىپ جۇرگىزىلەدى.
«كەنەگە قارسى دەزينسەكتسيالىق وڭدەۋ نەگىزىنەن كەنە ەنتسەفاليتىنىڭ تابيعي وشاقتارىندا جۇرگىزىلەدى. بۇل الما - اراسان شاتقالى، مەدەۋ تابيعي پاركى، كوكتوبە ساياباعى، بۋتاكوۆ شاتقالى، قاراعايلى شاتقالى، ناۋرىزباي اۋدانىنداعى تاۋلى جەرلەر»، - دەپ قورىتىندىلادى سپيكەر.
