يراكتا سوتتالعان قازاقستان ازاماتتارىنا قاتىستى كەلىسسوز جالعاسادى –س ءى م
«وسىدان بىرنەشە جىل بۇرىن يراكتان «رۋسافا» وپەراتسياسى اياسىندا بۇلدىرشىندەر قازاقستانعا جەتكىزىلدى. الايدا ولاردىڭ انالارى ءومىر بويىنا باس بوستاندىعىنان ايىرىلىپ، باعدات (يراك) تۇرمەسىندە جازاسىن وتەۋگە قالدى. بيىل 24-ساۋىردە قازاقستاننىڭ يوردانياداعى ەلشىلىگىنە تەرروريستىك ۇيىمنىڭ قىزمەتىنە قاتىسقانى ءۇشىن ءومىر بويىنا باس بوستاندىعىنان ايىرۋ تۋرالى يراك بيلىگىنىڭ ۇكىمىنە نارازىلىق رەتىندە باعداتتاعى رۋسافا-6 اتتى تۇرمەسىندە وتىرعان شەتەلدىكتەر، ونىڭ ىشىندە قازاقستان ازاماتتارى دا اشتىق اكسياسىن باستاعانى تۋرالى حابارلاما ءتۇستى» ، - دەدى ا. سمادياروۆ ەلوردادا وتكەن باسپا ءسوز ءماسليحاتىندا.
وسى ورايدا ول ءىستى بولعان اتالعان ادامدار ءوز مەملەكەتتەرىنە تەزىرەك ەكستراديتسيالاۋ پروتسەدۋراسىن وتكىزۋدى تالاپ ەتىپ وتىر. اشتىق اكسياسى يراك بيلىگىنىڭ «راقىمشىلىق تۋرالى» زاڭعا قول قويۋى تۋرالى قاۋەسەت تاراعان كەزدە باستالعان.
«قولدا بار اقپاراتقا سايكەس، يراك بيلىگى بيىل بارلىق ساناتتا قىلمىس جاساعان ادامدارعا «راقىمشىلىق جاساۋ تۋرالى» زاڭعا قول قويۋدى جوسپارلاپ وتىر. بۇل ناقتى اقپارات ەمەس. ايتا كەتەيىك، راقىمشىلىققا ىلىگەتىن ادامدار ءوز جازاسىنىڭ ۇشتەن ءبىرىن سول ەلدە وتەۋگە ءتيىس. قازىر جوعارى اتالعان مەكەمەدە دايش تەرروريستىك (قازاقستاندا تىيىم سالىنعان ۇيىم) ۇيىمىنا قاتىسقانى ءۇشىن سوتتالعان 6 قازاقستان ازاماتى ءوز جازاسىن وتەپ جاتىر. جالپى، نارازىلىق ءبىلدىرىپ وتىرعاندار ادىلەتسىز ۇكىمگە، نەگىزسىز ايىپتاۋلارعا قاتىستى شاعىم ايتىپ وتىر»، - دەدى رەسمي وكىل.
«ەگەر يراك بيلىگى راقىمشىلىق اكسياسىن قابىلداسا، وندا ءبىز ءتيىستى كەلىسسوزدەردى جالعاستىرامىز»، - دەدى ا. سمادياروۆ.
بۇدان بۇرىن حابارلانعانداي، 2019 -جىلدىڭ قاراشاسىندا يراكتان 14 بالا قازاقستانعا جەتكىزىلدى.
ولاردىڭ انالارى سوتتالىپ، تەرروريستىك ارەكەتكە قاتىسى ءۇشىن تۇرمەدە جازاسىن وتەپ جاتىر. اتالمىش گۋمانيتارلىق اكسيا بالالاردىڭ انالارى مەن تۋعان- تۋىستارىنىڭ سۇراۋى بويىنشا ۇيىمداستىرىلدى.
