ديماش قۇدايبەرگەن بولاشاق جارى تۋرالى سۇراققا جاۋاپ بەردى

استانا. قازاقپارات – بەلگىلى قازاقستاندىق ءانشى ديماش قۇدايبەرگەن شەتەلدىك ب ا ق- قا بەرگەن سۇحباتىندا تانىمالدىق جانە بولاشاق جارى تۋرالى سۇراقتارعا جاۋاپ بەردى، - دەپ حابارلايدى turkystan.kz.

جاقىندا ءانشى ومىرىندە العاش رەت ارمەنياعا باردى. ەريەۆاندا جەكە كونسەرت بەرۋگە نيەتتى. وسىعان وراي، اتاقتى قازاقستاندىق انشىدەن Sputnik ارمەنيا ءتىلشىسى ەكسكليۋزيۆ سۇحبات الدى.

ءانشى جەكە ومىرىنە قاتىستى سۇراقتارعا دا جاۋاپ بەرىپ، قازىر جۇرەگى بوس ەكەنىن ايتتى. ونىڭ ايتۋىنشا، كەزىكتىرگەن جاعدايدا دا ونى كوپشىلىككە كورسەتۋى ەكىتالاي.

«جەكە ءومىر جەكە بولعانىن قالايمىن. سەبەبى مەن بولاشاقتا ايەلىمدى كورسەتكىم كەلمەيدى. ارينە، ەگەر ول جۇرت الدىندا جۇرگەن بولسا، اڭگىمە باسقا. مەن، مەنىڭ شىعارماشىلىعىم، كونسەرتتەرىم تۋرالى ايتىلعانى ماڭىزدى»، - دەپ جاۋاپ بەردى جۋرناليستەرگە ءانشى.