مامىردا دۇنيەگە كەلگەندەر قانداي بولادى؟

ەندەشە، مامىردا دۇنيەگە كەلگەندەر قانداي بولادى؟ بۇل گيپوتەزانى ءوز تاجىريبەڭىزبەن سالىستىرىپ كورىڭىز.
مامىر - ادەمى جانە قۇنارلى اي. اينالادا ءبارى گۇلدەپ، ءتىپتى، العاشقى جيدەكتەر پايدا بولا باستايدى. سول سەكىلدى مامىردا دۇنيەگە كەلگەندەردىڭ كوپشىلىگى دارىندارعا، قابىلەتتەرگە جانە قىزىعۋشىلىقتارعا باي.
ەگەر مامىردا دۇنيەگە كەلگەندەر قانداي دا ءبىر ماقسات قويسا، ولار جىگەرلى بولادى. ەگەر ىسكە كەرەك بولسا، ولار تەك العا جىلجيدى: جىلدام بولماعانىمەن ساپالى ىستەيدى. ال ەگەر ماقسات پەن مىندەتتەر بولماسا، ولاردىڭ جالقاۋلىعى باسىپ، قورشاعان ورتانىڭ سۇلۋلىعىنا تامسانۋدى ءجون كورەدى.
مامىردا دۇنيەگە كەلگەن ادامدار ءاردايىم سۇلۋلىققا جانە ۇيلەسىمدىلىككە تالپىنادى. ولاردىڭ تۋا بىتكەن تالعامى بار. ولار داستارحان جايسا دا، كيىم تاڭداسا دا، جۇمىس قاعازدارىن رەتتەسە دە، ءبارىن ادەمى ەتىپ جاساعىسى كەلەدى. ولار ءوزىنىڭ اينالاسىنداعى الەمدى كەرەمەت ەتكىسى كەلەدى.
ەگەر وتباسىڭىزدا مامىردا دۇنيەگە كەلگەن بالا بار بولسا، اتا-انا رەتىندە ونىڭ ەستەتيكاعا جانە ۇيلەسىمدىلىككە دەگەن تالپىنىسىن دامىتۋعا تىرىسىڭىز: سۋرەت سالۋعا نەمەسە انگە بەرىڭىز، بالانى الەمدىك مادەنيەتپەن تانىستىرىڭىز، جەكە كەڭىستىگىن ۇيىمداستىرۋدى ۇيرەتىڭىز، بالاعا قاجەتتى زاتتاردى، مىسالى، توسەك-ورىندى تاڭداعاندا، ونىڭ پىكىرىن سۇراڭىز.
سونداي-اق، مامىردا دۇنيەگە كەلگەندەر وتە قىرسىق. مىسالى، ەگەر بالا بۇگىن بۇل كيىمدى كيمەيمىن دەپ شەشسە، ونى كيگىزۋ ءۇشىن جۇيكەڭىزدى ءبىراز توزدىرۋىڭىز مۇمكىن. بالانى قيناماڭىز، كومپروميسس تابۋعا تىرىسىڭىز. بالاعا نە ءۇشىن ونى بۇگىن كيۋگە بولمايتىنىن ايتىپ، ناقتى ارگۋمەنتتەرمەن كەلتىرىڭىز. سەبەبى مامىردا دۇنيەگە كەلگەندەردىڭ ويلاۋى جاقسى دامىعان جانە ولار لوگيكالىق شەشىمدەردى جاقسى كورەدى.
مامىردا تۋعاندار - سەنىمدى دوس جانە ادال سەرىك. ولار قۇپيانى جاقسى ساقتايدى جانە قيىن كەزدە ولارعا سەنۋگە بولادى. ولاردىڭ كوپشىلىگى كۇيزەلىسكە قارسى تۇرا الادى.
بۇل ايدا دۇنيەگە كەلگەندەردىڭ تاسى - ءزۇبارجات. ەجەلدە بۇل تاستى «كوكتەمنىڭ جۇرەگى» دەپ اتايتىن بولعان جانە ونى سەنىمنىڭ جانە جاڭارۋدىڭ سيمۆولى ساناعان. بۇل تاس ءوز يەسىنە تىنىشتىق سىيلايدى دەپ سانايدى. ال ولاردىڭ گۇلى - مەرۋەرتگۇل (لاندىش). بۇل گۇل تازالىقتى جانە پاكتىكتى بىلدىرەدى.
massaget.kz