قازاقستان قانداي ازىق-تۇلىك يمپورتىنا تاۋەلدى

استانا. قازاقپارات – ق ر ساۋدا جانە ينتەگراتسيالار ءمينيسترى سەرىك جۇمانعارين ەلىمىز قانداي ازىق-تۇلىك يمپورتىنا تاۋەلدى بولىپ وتىرعانىن ايتتى، دەپ حابارلايدى قازاقپارات ءتىلشىسى.

«ءبىزدىڭ ەسەبىمىز بويىنشا، قازىرگى ۋاقىتتا مىناداي يمپورتتالاتىن تاۋارلارعا تاۋەلدىمىز: قانت، تاۋىق ەتى، ىرىمشىك جانە سۇزبە، سارى ماي، كۇنباعىس مايى، ماكارون ونىمدەرى جانە ماۋسىمارالىق كەزەڭدە قىرىققابات پەن پياز. 2022-جىلدىڭ قورىتىندىسى بويىنشا الەۋمەتتىك ماڭىزى بار 9 ازىق-تۇلىك بويىنشا يمپورتقا تاۋەلدىلىك %16,2 دان %55,9 عا دەيىن جانە قانت بويىنشا %90 كورسەتكىشكە جەتتى»، - دەدى مينيستر ۇكىمەت وتىرىسىندا.

سونىمەن بىرگە، كەيبىر تاۋارلار بويىنشا حالىق ءوز تۇتىنۋىنان ەداۋىر جوعارى قامتاماسىز ەتىلگەن.

«الايدا، كورشى نارىقتارداعى جاعدايلارعا بايلانىستى، اسىرەسە، كوكونىس ونىمدەرىنە اگرەسسيۆتى ەكسپورتتى بايقاۋدامىز. ءبىز ىشكى نارىقتى قامتاماسىز ەتەتىن جانە ازىق-تۇلىك سەكتورىنداعى داعدارىستارعا ءتوزىمدى ساياساتىن قۇرۋىمىز كەرەك»، - دەدى سەرىك جۇمانعارين.

بۇعان دەيىن پرەمەر-مينيستر ءاليحان سمايىلوۆ ازىق-تۇلىك قىمباتتاماۋ ءۇشىن قانداي شارالار قولعا الىنعانىن ايتقان ەدى.