قازاقستاندىق كاسىپقوي قارسىلاسىن ءبىر ۇرىپ شالقادان ءتۇسىردى

استانا. قازاقپارات - ءبىرىنشى اۋىر سالماقتاعى قازاقستاندىق بوكسشى اسحات جانتۇرسىنوۆ (6-1، 5 ك و) كاسىپقويداعى كەزەكتى جەكپە-جەگىن وتكىزدى، دەپ حابارلايدى Vesti.kz.

ىستامبۇلدا وتكەن بوكس كەشىندە ول جەرگىلىكتى سەردار شيرينمەن (2-1-1، 1 ك و) جۇدىرىقتاستى. جەكپە-جەك سەگىز راۋندقا ەسەپتەلگەن بولاتىن، بۇل اسحاتتىڭ كارەراسىنداعى جەتىنشى ايقاسى. بۇل كەزدەسۋدە جانتۇرسىنوۆ قارسىلاسىن ءبىر سوققىمەن نوكاۋتقا ءتۇسىردى.

وسىلايشا، كارەراسىندا التىنشى رەت جەڭىسكە جەتكەن اسحات UBO تۇجىرىمى بويىنشا ازيا چەمپيونى اتاندى. ار تۇركيالىق بوكسشى كارەراسىندا العاش رەت جەڭىلىپ وتىر.

ايتا كەتەيىك، بۇل جانتۇرسىنوۆ ءۇشىن 2021-جىلدان بەرگى العاشقى ايقاس. ول كەزدە اسحات كارەراسىندا العاش رەت ءازىربايجاندىق سۋرات گارايەۆتان جەڭىلگەن بولاتىن.