باتىس قازاقستاندا قىتايلىق قارجى پيراميداسى بويىنشا تەرگەۋ ءجۇرىپ جاتىر

ورال. قازاقپارات - باتىس قازاقستان وبلىسىندا جەكە ادامدارعا 541 ميلليون تەڭگەدەن استام زالال كەلتىرگەن قارجى پيراميداسى بويىنشا تەرگەۋ جۇرگىزىلىپ جاتىر، دەپ حابارلايدى قازاقپارات ءتىلشىسى.

ب ق و بويىنشا ەكونوميكالىق تەرگەۋ دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، قىتايلىق «Chia Tai Pharmaceutical» كومپانياسى ءوزىن ينۆەستيتسيا تارتۋشى مەكەمە رەتىندە كورسەتىپ، جوعارى جانە تۇراقتى تابىسپەن قامتاماسىز ەتەمىز دەپ ۋادە ەتكەن.

«Chia Tai Pharmaceutical» جەكە ادامداردان قارجى تارتىپ، ونى قاتىسۋشىلار اراسىندا قايتا ءبولىپ وتىرعان. بۇل رەتتە قارجىنى كاسىپكەرلىك قىزمەتكە پايدالانباعان. كەلتىرىلگەن زالال كولەمى 541 ميلليون تەڭگەدەن استى. قازىرگى تاڭدا وسى ءىس بويىنشا كەشەندى شارالار جۇرگىزىلىپ جاتىر. ب ق و بويىنشا ەكونوميكالىق تەرگەۋ دەپارتامەنتى مەن ىشكى ىستەر ورگاندارىنىڭ تاجىريبە قىزمەتكەرلەرىنەن جەدەل تەرگەۋ توبى قۇرىلدى. ەگەر كىمدە-كىم «Chia Tai Pharmaceutical» كومپانياسىنان زارداپ شەكسە، جەرگىلىكتى ىشكى ىستەر ورگاندارىنا نەمەسە ورال قالاسى ا. كاريمۋللين كوشەسى، 2/2-مەكەنجايىندا ورنالاسقان ب ق و بويىنشا ەكونوميكالىق تەرگەۋ دەپارتامەنتىنە (تەلەفونى: 87112538423) حابارلاسا الادى»، - دەپ مالىمدەدى ۆەدومستۆودان.

ەسكە سالا كەتەيىك، بۇدان بۇرىن ب ق و تۇرعىنىنان 1 توننادان استام الكوگول ءونىمى تاركىلەنگەنىن جازعان بولاتىنبىز.