قازاقستانعا تاعى كەلگىم كەلەدى - شاحماتتان الەم چەمپيونى ديڭ ليرىن
«ەڭ الدىمەن، پرەزيدەنت مىرزاعا قابىلداۋى ءۇشىن زور ريزاشىلىعىمدى بىلدىرەمىن. شىن مانىندە، بىرىنشىلىك بارىسىندا وتە تارتىستى ويىن ءوتتى. وسى رەتتە قارسىلاسىما تاماشا ويىنى، مىقتى باسەكەلەس بولعانى ءۇشىن العىس ايتامىن. سونىمەن قاتار قازاقستانعا تاعى دا ورالعىم كەلەتىنىن اتاپ وتكەنىم ءجون»، - دەدى بۇگىن اقوردادا مەملەكەت باسشىسى قاسىم-جومارت توقايەۆتىڭ قابىلداۋىنان كەيىن پىكىر بىلدىرگەن قىتاي گروسسمەيسترى.
ال رەسەيلىك گروسسمەيستەر يان نەپومنياشي قازاقستاندا شاحمات جانكۇيەرلەرىنىڭ كوپتىگىن بايقاعاندىعىن ايتادى.
«استانادا ءوز ۇيىمدەگىدەي سەزىندىم. سوندىقتان قوناجايلىق ءۇشىن ۇلكەن ريزاشىلىعىمدى بىلدىرەمىن. ماتچقا دا، قولتاڭبا بەرۋ راسىمىنە دە بالالاردىڭ كوپ كەلۋى قۋانتادى. مەملەكەت باسشىسىنىڭ دا قىزىعۋشىلىق تانىتقانى تاماشا جايت بولدى. قازاقستاننىڭ قوناقجاي جەرىندە ءالى دە تالاي ماڭىزدى ءارى قىزىقتى جارىستار وتەتىنىنە سەنىمدىمىن جانە شاحماتتى دامىتۋدا زور تابىس تىلەيمىن»، - دەدى يان نەپومنياشي.
ەسكە سالايىق، بۇگىن پرەزيدەنت قاسىم-جومارت توقايەۆ كلاسسيكالىق شاحمات بويىنشا الەم چەمپيونى اتاعى ءۇشىن سايىسقا تۇسكەن يان نەپومنياشي مەن دين ءليجەندى، سونداي-اق حالىقارالىق شاحمات فەدەراتسياسىنىڭ (ف ي د ە) پرەزيدەنتى اركادي دۆوركوۆيچتى قابىلدادى.
اركادي دۆوركوۆيچ قۇرمەت كورسەتكەنى ءۇشىن پرەزيدەنتكە العىس ايتتى.
