ەكولوگيا ءمينيسترى استاناداعى سۋ تاپشىلىعى قالاي شەشىلەتىنىن ايتتى
«ەڭ الدىمەن، «استانا سۋ قويماسىن تولىقتىرۋ ءۇشىن قۇرىلىستار سالۋ» جوباسى بويىنشا جوبالاۋ- سمەتالىق قۇجاتتاما (ج س ق) ازىرلەنۋدە. جوبا ق. ساتبايەۆ اتىنداعى ارنادان ەسىل وزەنىنىڭ ارناسىنا دەيىن وتكىزۋ سالاسىن تازارتىپ، قالپىنا كەلتىرىپ، ودان استانا سۋ ارناسى سورعى ستانسياسىنا دەيىن تىرەۋىش قورشاۋ مەن سۋ قۇبىرىن سالىپ، ارناعا سۋ بەرۋدى قامتيدى. قۇرىلىس 2023-2025 -جىلدارى اياقتالادى دەپ بولجانۋدا. بۇل جوبا سۋ از جىلدارى قانىش ساتبايەۆ ارناسىنان استانا سۋ قويماسىنا شامامەن 62,3 ميلليون تەكشە مەتر قوسىمشا سۋ بەرۋگە ىقپال ەتەدى»، - دەدى ەكولوگيا ءمينيسترى.
ەكىنشى جوبا - استانا قالاسىن سۋمەن جابدىقتاۋدىڭ رەزەرۆتىك كوزى رەتىندە 67 ك م سۋ قۇبىرىن سالۋ ارقىلى نۇرا جەراستى سۋلارى كەن ورنىن پايدالانۋ. ول بويىنشا تەحنيكالىق- ەكونوميكالىق نەگىزدەمەنى تۇزەتۋ قاجەت. مەرزىمنىڭ وتۋىنە بايلانىستى كەيىن ج س ق ازىرلەپ، بۇل جۇمىستى استانا قالاسىنىڭ اكىمدىگى جۇرگىزەتىن بولادى. ساراپتامانىڭ وڭ قورىتىندىسى ۇسىنىلعان جاعدايدا، مينيسترلىك جوبانى ودان ءارى ىسكە اسىرادى.
«ۇشىنشىدەن، ق. ساتبايەۆ ارناسىنان استانا قالاسىنىڭ ۇ ف س-4-كە دەيىن سۋ قۇبىرىن سالۋ قاجەت. بۇل جوبا ەلوردانى ودان ءارى ۇزاق مەرزىمدى دامۋ پەرسپەكتيۆاسى مەن حالىق سانىنىڭ ۇلعايۋىن ەسكەرە وتىرىپ، قامتاماسىز ەتۋگە مۇمكىندىك بەرەدى. وسىلايشا، ەلوردانى سۋمەن قامتاماسىز ەتۋگە قاجەت شارالاردىڭ قىسقا مەرزىمدى كەشەنى رەزەرۆتىك جەراستى كوزىن جۇرگىزۋدى، ق. ساتبايەۆ ارناسىنان سۋ قۇبىرىن سالۋدى قامتيدى»، - دەدى ز. سۇلەيمەنوۆا.
سونىمەن قاتار، بيىل سۋ مولشەرىنىڭ ازدىعى مەن ودان كەيىنگى سۋ تاپشىلىعىن ەسكەرە وتىرىپ، ق. ساتبايەۆ ارناسىنان ەسىل وزەنى بويىنشا شامامەن 60 ميلليون تەكشە مەتر، نۇرا وزەنى بويىنشا شامامەن 95 ميلليون تەكشە مەتر قوسىمشا سۋ بەرۋ تۋرالى بىرلەسكەن شەشىم قابىلداندى.
وعان قوسا، استانا سۋ قويماسىنىڭ ءتۇبىن شامامەن 47 ميلليون تەكشە مەتر كولەمىندە تۇپتىك شوگىندىلەردەن تازارتۋ قاجەت. قازىرگى ۋاقىتتا استانا سۋ قويماسىن تولتىرۋ جوبالىق 410 ميلليون تەكشە مەتردەن 334 ميلليون تەكشە مەتردى قۇرايدى.
