ا ق ش- قا دەفولت قاۋپى ءتونىپ تۇر
«رەسپۋبليكالىق پارتيا وسى ءساتتى پايدالانىپ ءوز تالاپتارىن ورىنداتقىسى كەلەدى. ال دەموكراتتار بولسا مەملەكەتتىك قارىزدىڭ كولەمىن ەشقانداي شارت قويماي- اق ۇلعايتۋ قاجەت»، - دەيدى. بۇگىن ا ق ش پرەزيدەنتى دجو بايدەن وكىلدەر پالاتاسىنىڭ سپيكەرى كيەۆين ماككارتيدى مەملەكەتتىك قارىز بويىنشا دەفولتقا جول بەرمەۋگە شاقىردى. ول ۇلتتىق قارىزدىڭ شەكتى مولشەرىن ۇلعايتپاسا نەسيە كارتالارى مەن يپوتەكا مولشەرلەمەلەرىنىڭ وسۋىنە اكەلەتىنىن ەسكەرتتى.
بايدەن تومەنگى پالاتاداعى رەسپۋبليكاشىلاردىڭ ۇستانىمى «مۇلدەم جاۋاپسىز» ءارى ەل ەكونوميكاسىنا قاۋىپ توندىرەتىنىن ايتتى. سوندىقتان سپيكەردىڭ مەملەكەتتىك قارىز بويىنشا دەفلوت جاسايمىز دەپ قورقىتۋى ورىنسىز دەيدى.
دجو بايدەن، ا ق ش پرەزيدەنتى:
- ەلىمىزدىڭ قارىزى 200 جىلدان استام بويى جينالىپ كەلەدى. ءتورت جىل ىشىندە ترامپ بۇكىل مەملەكەتتىك قارىزدى % 40 ارتتىردى. ال دەفولتپەن قورقىتۋ قازىر مۇلدەم جاۋاپسىزدىق بولار ەدى. بۇل پايىزدىق مولشەرلەمەلەردىڭ وسۋىنە، نەسيە كارتالارىنىڭ، يپوتەكانىڭ پايىزدىق مولشەرىن كوتەرۋگە اكەلەدى. جۇمىس ىستەيتىن ورتا تاپ جانە قارت ادامدار قينالىپ قالادى.
وتكەن اپتادا وكىلدەر پالاتاسى 31,4 تريلليون دوللارلىق ۇلتتىق قارىزدىڭ شەگىن قوسىمشا 1,5 تريلليون دوللارعا ارتتىراتىن زاڭ جوباسىن قابىلدادى. قۇجات بويىنشا الداعى ونجىلدىقتا مەملەكەتتىك شىعىنداردى جاپپاي قىسقارتۋ قاراستىرىلعان. الايدا رەپۋبليكالىق پارتيا ماقۇلداعان زاڭدى دەموكراتتار باقىلاپ وتىرعان سەنات قابىلداماۋى مۇمكىن. ءبىراق كونگرەسس ەشقانداي شارا قولدانباسا، بىرنەشە اپتادا جالاقى، جاردەماقى، الەۋمەتتىك تولەمدەرگە قاراجات تاۋسىلايىن دەپ تۇر. بۇل الپاۋىت امەريكانىڭ ەكونوميكاسى دەفلوتقا ۇشىرايدى دەگەن ءسوز. ال كيەۆين ماككارتي بولسا ۇلتتىق قارىزدىڭ شەگىن كوتەرۋ ءۇشىن پرەزيدەنتپەن كەلىسسوز جۇرگىزۋدى تالاپ ەتىپ وتىر. 2011-جىلعى دەموكراتتار مەن رەسپۋبليكاشىلاردىڭ تەكە- تىرەسى ا ق ش- تىڭ نەسيەلىك رەيتينگىنىڭ تومەندەۋىنە اكەلىپ سوقتى. بۇل قارىز الۋ قۇنىن جوعارىلاتىپ، ينۆەستيتسيانىڭ تومەندەۋىنە اكەلدى.
www.24.kz
