ايگىلى «دوس- مۇقاسان» توبىنىڭ جاڭا ءانى جارىق كوردى

الماتى. قازاقپارات - قازاقستاننىڭ تانىمال ۆوكالدىق- اسپاپتىق انسامبلى «دوس-مۇقاسان» «الماتىم» اتتى جاڭا ءانىن جارىققا شىعاردى، دەپ حابارلايدى قازاقپارات.

جاڭا تۋىندى 1-مامىر - بىرلىك كۇنىندە جاريالاندى جانە كوپۇلتتى قازاقستان مەن الماتى ءومىرىن سيپاتتايدى. وندا «دوس-مۇقاسان» شىعارماشىلىعى قازاقستاندىق مادەنيەتتىڭ ماڭىزدى بولىگىنە اينالعانى، ال ۇجىمعا دەگەن سۇيىسپەنشىلىك - وتانعا دەگەن سۇيىسپەنشىلىكتىڭ اجىراماس بولىگى ەكەنى ايقىن كورسەتىلەدى.

وقيعا جەلىسىندەگى باستى ءرولدى م. لەرمونتوۆ اتىنداعى تەاتردىڭ اكتەرى ۆ. كوروليەۆ وينايدى. ول 1993 -جىلى رەپاترياتسيا باعدارلاماسىمەن گەرمانياعا كەتىپ، 13 جىلدان كەيىن نەمەرەسىمەن ورالادى.

اندە ۇرپاقتار ساباقتاستىعى، وتانعا دەگەن سۇيىسپەنشىلىك، حالىقتىڭ بىرلىگى، مادەني قۇندىلىقتار مەن تاريح پەن قالاعا دەگەن قۇرمەت كورىنىس تاپقان.