مەملەكەتارالىق ىزدەۋدە جۇرگەن وزبەكستاننىڭ ءۇش ازاماتى استانادان تابىلدى

استانا. قازاقپارات - ەلوردالىق پوليتسەيلەر مەملەكەتارالىق ىزدەۋدە جۇرگەن وزبەكستان رەسپۋبليكاسىنىڭ ءۇش ازاماتىن ۇستادى، دەپ حابارلايدى قازاقپارات.

رەسەي فەدەراتسياسىندا ىزدەۋدە جۇرگەن 20 جاستاعى جىگىت 2022 -جىلى ماسكەۋدەگى ساۋدا ءۇيىنىڭ بىرىندە ۇرلىق جاساعان.

سونداي-اق شەكارانى زاڭسىز كەسىپ وتكەن 36 جاستاعى جانە 2020 -جىلى الاياقتىق جاسادى دەپ ايىپتالعان 43 جاستاعى ەر ادام انىقتالدى.

بارلىق ۇستالعاندار استانا پد ۋاقىتشا ۇستاۋ يزولياتورىنا قامالدى.

ولاردى ەكستراديتسيالاۋ ماسەلەسى شەشىلىپ جاتىر.

سونداي-اق، ەلوردالىق پوليتسەيلەر وتكەن جىلى دۇكەن ۇلى كوشەسىنىڭ بويىنداعى گاراج جانىندا بەيتانىس ەر اداممەن سپيرتتىك ىشىمدىك ءىشىپ وتىرىپ، ونى پىشاقتاپ كەتكەن 45 جاستاعى ەر ادامدى تاپتى.

ول 4 جىلعا باس بوستاندىعىنان ايىرىلدى.

ەسكە سالا كەتسەك، 26-28-ءساۋىر ارالىعىندا استانا قالاسىنىڭ پوليتسيا دەپارتامەنتى «قۇقىقتىق ءتارتىپ» جەدەل-پروفيلاكتيكالىق شاراسىن وتكىزدى.