قىتايدا سۋ استىنداعى اۆتوموبيل تۋننەلى اشىلدى

داليان. قازاقپارات - قىتايدىڭ لياونين پروۆينتسياسىنداعى داليان قالاسىندا (سولتۇستىك- شىعىس قىتاي) كولىك قوزعالىسىنا ارنالعان سۋ استىنداعى اۆتوموبيل تۋننەلى اشىلدى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

«داليانۆان شىعاناعىنىڭ تۇبىنەن وتەتىن تۋننەل - سولتۇستىك قىتايدا سالىنعان العاشقى سۋ استى تۋننەلى»، - دەيدى تۋننەل قۇرىلىسى مەن قولدانىلۋىنا جاۋاپتى كومپانيا باس ينجەنەرىنىڭ ورىنباسارى سۋن جۋ.

تۋننەل قۇرىلىسى شامامەن ءتورت جىلعا سوزىلعان. سۋن جۋ اتاپ وتكەندەي، ۇزىندىعى 5,1 شاقىرىم بولاتىن تۋننەل التى جولاقتى، ەكى جاقتى كولىك قوزعالىسىنا ارنالعان. رۇقسات بەرىلگەن قوزعالىس جىلدامدىعى - 60 ك م/ساع.

تۋننەلگە قوسىلاتىن جول دا 1-مامىردا پايدالانۋعا بەرىلدى. وسى جول مەن سۋ استى تۋننەلىنىڭ ارقاسىندا داليانۆان شىعاناعىنىڭ سولتۇستىك جانە وڭتۇستىك جاعالاۋلارى جىلدام كولىك دالىزىمەن بايلانىسىپ، كەپتەلىستەر ازايادى جانە داليان قالاسى دامي تۇسپەك.