قازاقستاندىق بوكسشى تۇركيادا تيتۋلدىق جەكپە-جەكتە قارسىلاسىن نوكاۋتقا ءتۇسىردى

استانا. قازاقپارات - ءبىرىنشى اۋىر سالماقتاعى قازاقستاندىق بوكسشى ەدىل قوجامبەرديەۆ (12-2، 12 ك و) كاسىپقوي بوكستاعى كەزەكتى ايقاسىن وتكىزدى، دەپ حابارلايدى قازاقپارات Sports.kz-كە سىلتەمە جاساپ.

ول ىستانبۇلداعى (تۇركيا) بوكس كەشى اياسىندا ءۇندىستاندىق كۋلديپ سينگحپەن (8-5-1، 5 ك و) كەزدەستى. كرۋزەرۆەيتتەگى WBC «تاياۋ شىعىس» (WBC Middle East) چەمپيوندىق بەلبەۋى باسكە قويىلدى.

ايقاستا قوجامبەرديەۆ مەرزىمىنەن بۇرىن جەڭىسكە جەتتى. بۇل ەدىلدىڭ 2021-جىلعى جەلتوقساننان كەيىنگى العاشقى جەكپە-جەگى. ول كەزدە ەدىل تۇرىك حامزا گيۋنەشتى (6-1، 4 ك و) ءبىرىنشى راۋندتا جەڭىپ، بوس تۇرعان ءبىرىنشى اۋىر سالماقتاعى UBO Intercontinental بەلبەۋىن يەلەنگەن ەدى.