قاسىم-جومارت توقايەۆ وزبەكستان پرەزيدەنتىمەن تەلەفون ارقىلى سويلەستى
اڭگىمەلەسۋ بارىسىندا مەملەكەت باسشىسى قاسىم-جومارت توقايەۆ پرەزيدەنت ميرزيەيەۆتى وزبەكستان رەسپۋبليكاسىنىڭ كونستيتۋتسياسىنا وزگەرىستەر ەنگىزۋ جونىندەگى جالپىحالىقتىق رەفەرەندۋمنىڭ ءساتتى وتۋىمەن قۇتتىقتادى.
قاسىم-جومارت توقايەۆ جالپىۇلتتىق تاڭداۋ ەركىنىڭ قورىتىندىسى پرەزيدەنت ميرزيەيەۆتىڭ ستراتەگيالىق باعدارىنا وزبەك حالقىنىڭ زور سەنىم ءبىلدىرىپ، قولداعانىنىڭ دالەلى ەكەنىن اتاپ ءوتتى.
قازاقستان مەن وزبەكستان پرەزيدەنتتەرى ەكى ەل اراسىنداعى ستراتەگيالىق سەرىكتەستىك پەن ىنتىماقتاستىقتى نىعايتۋعا نيەتتى ەكەنىن تاعى دا راستادى.
مەملەكەتتەر باسشىلارى قازاق-وزبەك قاتىناستارىنىڭ قارقىندى دامىپ كەلە جاتقانىن اتاپ ءوتىپ، بۇعان دەيىن قول جەتكىزىلگەن ۋاعدالاستىقتاردى جۇزەگە اسىرۋ ماسەلەسىن تالقىلادى.
سونداي-اق پرەزيدەنتتەر الداعى ۋاقىتقا جوسپارلانعان ءىس-شارالار كەستەسىن قاراستىردى.
