تالدىقورعان ماڭىنان قارۋ- جاراق جاسىرىلعان ورىن تابىلدى

تالدىقورعان. قازاقپارات - تالدىقورعان ماڭىنان قارۋ-جاراقتار جاسىرىلعان ورىن تابىلدى، - دەپ حابارلايدى قازاقپارات ءتىلشىسى.

29- ساۋىردە جەتىسۋ وبلىستىق پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ وكىلدەرى كەلىپ تۇسكەن جەدەل اقپاراتتى تەكسەرۋ بارىسىندا قالا ماڭىنداعى ساياجاي القاپتارىنىڭ بىرىنەن قارۋ-جاراق ساقتالعان ورىندى انىقتادى.

«ءبىزجاسىرىلعان قارۋ-جاراق ارسەنالىن تاپتىق. ەكى تراۆماتيكالىق تاپانشا، تەگىس ۇڭعىلى شولاق مىلتىق، ءۇش گراناتا، 100 دەن استام ءتۇرلى كاليبرلى پاترون، سونداي-اق قورعانىس قۇرالدارى (پوليتسيا قالقانى، بروندى كەۋدەشە جانە ەكى كاسكا) تابىلدى»، - دەدى جەتىسۋ وبلىس پوليتسيا دەپارتامەنتنى ۇيىمداسقان قىلمىسقا قارسى كۇرەس باقارماسىنىڭ باستىعى سارقىتباي قۇسايىنوۆ.

قارۋ-جاراق تاركىلەنىپ، فاكت بويىنشا ق ر ق ك- ءنىڭ 287-بابىنىڭ 3-بولىمىندە كوزدەلگەن قىلمىستىق ءىس قوزعالدى.