قىتايلىق دين ليجەن - شاحماتتان ون جەتىنشى الەم چەمپيونى

استانا. قازاقپارات - ەلوردادا الەمدىك شاحمات ءتاجى ءۇشىن يان نەپومنياشيي مەن دين ليجەن اراسىنداعى تارتىستى ويىن اياقتالدى.

شاحماتتان 7-الەم چەمپيونى اتاعى قىتايلىق دين ليجەنگە بۇيىردى، دەپ حابارلايدى قازاقپارات ءتىلشىسى

«شاحمات تاريحىنداعى ەڭ قىزىق جانە درامالىق ماتچتاردىڭ بىرىندە سوڭعى جىلدام تاي-برەيك ويىنىندا دين يان نەپومنياشييدەن باسىم ءتۇستى»، - دەلىنگەن فيدەنىڭ Instagram پاراقشاسىندا جاريالانعان اقپاراتتا.

ماتچتىڭ جالپى جۇلدە قورى - 2 ميلليون ەۋرو. ەگەر باسەكەلەستەردىڭ ءبىرى 14 پارتياعا سوزىلعان ويىن بارىسىندا جەڭىسكە جەتكەندە وسى سومانىڭ 60 پايىزىن الۋى ءتيىس بولاتىن.

ەندى تاي-برەيكتەن كەيىن جەڭىسكە جەتكەن شاحماتشىنىڭ جۇلدە قورى اتالعان سومانىڭ 55 پايىزىن قۇرايدى.

ماتچتىڭ 14 پارتياسىنان كەيىن ەسەپ 7:7 بولىپ تەڭ اياقتالدى. وسىدان كەيىن جىلدام شاحماتتان قوسىمشا 4 پارتيا (باقىلاۋ ۋاقىتى 25 مينۋت، جۇرىسكە 10+ سەكۋند) تاعايىندالدى.

العاشقى 3 پارتيا تەڭ اياقتالعانىمەن، شەشۋشى پارتيادا دين ليجەن جەڭىسكە جەتتى.

ايتا كەتەيىك، سپورتشىلار 13-ويىندى 39 جۇرىسپەن تەڭ اياقتادى، كەشە وتكەن ون ءتورتىنشى پارتيادا دا تەڭ تۇسكەن ەدى.

جارىس ەرەجەسى بويىنشا 14-پارتيادا جەڭىمپاز انىقتالۋى ءتيىس ەدى. الايدا قوس قارسىلاس اراسىندا بۇعان دەيىن 6,5:6,5 ەسەبىمەن تەڭ ناتيجە ساقتالىپ تۇردى.

سوندىقتان ولاردىڭ ءبىرى جەڭىسكە جەتكەن جاعدايدا چەمپيوندىق اتاققا قول جەتكىزەتىن.

شاحماتشىلار تەڭ تۇسكەندىكتەن 4 پارتيادان تۇراتىن تاي-برەيك بەلگىلەندى.

بۇرىن حابارلاعانىمىزداي، 7- ءساۋىر مەن 1- مامىر ارالىعىندا استانادا شاحماتتان الەم چەمپيوناتى ءوتىپ جاتىر.