12:15, 30 - ءساۋىر 2023 | GMT +5
ەلتاڭبانى دالاعا تاستاي سالعان جەتىسۋ وبلىسىنىڭ سوتى ايىپپۇل تولەدى
تالدىقورعان. قازاقپارات - جەتىسۋ وبلىسىنىڭ سوتى ەلتاڭبانى اۋلاسىنا تاستاعانى ءۇشىن اكىمشىلىك جاۋاپكەرشىلىككە تارتىلدى.
بۇل ۆيدەو جەلىگە جاريالانىپ، پوليتسيا بىردەن شارا قولداندى، دەپ حابارلايدى قازاقپارات ءتىلشىسى.
جەلىگە جاريالانعان ۆيدەودا ەلتاڭبا ماكەتى جەتىسۋ وبلىستىق سوتىنىڭ عيماراتى اۋماعىندا جەردە جاتقانىن انىق كورۋگە بولادى.
«جەتىسۋ وبلىستىق پوليتسيا تالدىقورعان قالاسىنداعى وبلىستىق سوت عيماراتىنىڭ جانىنان تاستالعان كۇيىندە تابىلعان ەلتاڭبانىڭ ماكەتى بەينەلەنگەن ۆيدەونى زەرتتەدى. جاۋاپتى تۇلعالاردىڭ ارەكەتى اكىمشىلىك زاڭنامادا كوزدەلگەن قۇقىق بۇزۋشىلىق دەپ تانىلعانىن حابارلايمىز. اتالعان فاكتى بويىنشا ق ر ا ق ب ت ك- ءنىڭ 418-بابىنىڭ 1-1-بولىگىنە سايكەس وبلىستىق سوت اكىمشىلىگىنىڭ ينفراقۇرىلىمدى دامىتۋ ءبولىمىنىڭ باسشىسى جاۋاپكەرشىلىككە تارتىلدى»، - دەلىنگەن جەتىسۋ وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
