سۋدان: بىتىمگە كەلگەنىنە قاراماستان ەلدە جارىلىس پەن اتىس توقتار ەمەس
سۋداندا ءبىتىم ۇزارتىلعانىنا قاراماستان، ەلدى باسقارۋعا دەگەن كۇرەس توقتاماي جاتىر. اسىرەسە، حارتۋم مەن ومدۋرماندا، سونداي-اق اپتا باستالعالى ونداعان ادام قازا تاپقان دارفۋر اۋدانىندا ارتيللەريا مەن اۆياتسيانى قولدانعان قاقتىعىستار جيىلەدى.
استانالىق دارىگەرلەردىڭ ءبىرى Associated Press اگەنتتىگىنە سۋداندىق مەديتسينا قىزمەتكەرلەرىنىڭ چات- توبىنداعى دىبىستىق حابارلامانى جىبەرگەن. وندا فورما كيمەۋگە جانە كوشەدە توقتاتسا قىزمەتىن ايتپاۋعا شاقىرادى، سەبەبى RSF اسكەري قۇرىلىمى جارالانعان ساربازداردى ەمدەۋ ءۇشىن مەديتسينا قىزمەتكەرلەرىن ۇرلاپ اكەتىپ جاتىر دەلىنگەن.
تۇركيا ەۆاكۋاتسيالىق ۇشاقتارىنىڭ ءبىرى حارتۋم ايماعىندا وق استىندا قالعانىن، ءبىراق ەشكىم زارداپ شەكپەگەنىن حابارلادى.
بريتان ۇكىمەتى ازاماتتارىن سۋداننان كيپرگە جەتكىزۋ وپەراتسياسىن اياقتاپ قالعانىن مالىمدەدى.
حالىقارالىق ۇيىم وكىلدەرىنىڭ سوزىنشە، ەلدەن ءجۇز مىڭداعان بوسقىن كەتىپ جاتىر.
