باس پروكۋراتۋرا «وزەن مۇنايگاز» تەندەرلەرىنىڭ قانشالىقتى زاڭدى وتكەنىن تەكسەرەدى
باس پروكۋروردىڭ تاپسىرماسى بويىنشا ماڭعىستاۋ وبلىسىنا ورتالىق اپپاراتتىڭ نەعۇرلىم تاجىريبەلى قىزمەتكەرلەرى قاتارىنان قۇرىلعان جۇمىس توبى كەلدى.
جۇمىس توبىنىڭ الدىندا «وزەن مۇنايگاز» ا ق- دا تەندەر وتكىزۋ كەزىندە زاڭدىلىقتىڭ ساقتالۋى جانە اشىقتىقتىڭ قامتاماسىز ەتىلۋى ماسەلەلەرىن زەردەلەۋ مىندەتى تۇر.
مەردىگەر ۇيىمداردىڭ قىزمەتكەرلەرى بۇل ماسەلەنى ءجيى كوتەرىپ، ونى ەڭبەك جاعدايلارىنىڭ ناشارلاۋىمەن جانە جالاقىنىڭ تومەندەۋىمەن بايلانىستىراتىنى بەلگىلى.
وسىعان بايلانىستى قاداعالاۋ ۆەدومستۆوسىنىڭ قىزمەتكەرلەرى «وزەن مۇنايگاز» ا ق- نىڭ قارجى- شارۋاشىلىق قۇجاتتاماسىن جانە ساتىپ الۋلارىن ىقتيمال بۇزۋشىلىقتار مەن سىبايلاس جەمقورلىق تاۋەكەلدەرىنىڭ بولۋى تۇرعىسىنان تالدايدى.
سونىمەن قاتار، جاڭاوزەن قالاسىنىڭ جانە جالپى ماڭعىستاۋ وبلىسىنىڭ الەۋمەتتىك-ەكونوميكالىق دامۋىنا تالداۋ جۇرگىزىلىپ جاتىر.
تالداۋمەن ينجەنەرلىك ينفراقۇرىلىم جانە تۇرعىن ءۇي قۇرىلىسى، كاسىپكەرلىك، مادەنيەت، سپورت، تۋريزم جانە اگروونەركاسىپتىك كەشەندى دامىتۋ، دەنساۋلىق ساقتاۋ جۇيەسىن جەتىلدىرۋ سالالارىنداعى پروبلەمالىق ماسەلەلەر، سونداي-اق ءوڭىر ءۇشىن باسقا دا ماڭىزدى باعىتتار قامتىلىپ وتىر.
جۇرگىزىلگەن جۇمىستىڭ ناتيجەسى قوعامعا جەتكىزىلەدى.
ەسكە سالا كەتەيىك، مۇنىڭ الدىندا «قازمۇنايگاز» جۇمىس توبى «وزەن مۇنايگازدا» كوپتەگەن زاڭبۇزۋشىلىق انىقتاعان ەدى.
