قازاقستان قىرعىزستانمەن اراداعى قۇقىق قورعاۋ ورگاندارىنا قاتىستى شارتتى توقتاتتى: اقوردا پرەزيدەنت جارلىعىن ءتۇسىندىردى
قازاقپارات بۇل جايىندا اقورداعا سىلتەمە جاساپ حابارلايدى.
وعان سۇيەنسەك، 1997-جىلعى 8- ساۋىردە قازاقستان رەسپۋبليكاسى قىلمىستاردى انىقتاۋعا، اشۋعا جانە تەرگەپ-تەكسەرۋگە جاردەمدەسۋ ماقساتىندا قازاقستان رەسپۋبليكاسى مەن قىرعىز رەسپۋبليكاسى اۋماعىنا قۇقىق قورعاۋ جانە ارناۋلى ورگاندارى قىزمەتكەرلەرىنىڭ كەلۋ ءتارتىبى مەن ءوزارا ءىس-قيمىلدارى تۋرالى شارتقا قول قويعان.
بۇگىندە قازاقستاننىڭ قىلمىستىق جانە قىلمىستىق-پروتسەستىك زاڭناماسىنداعى ەلەۋلى وزگەرىستەرگە بايلانىستى اتالعان شارتتىڭ ەرەجەلەرى ەسكىردى.
بۇعان قوسا، بۇرىن ونى ىسكە اسىرۋعا ۋاكىلەتتىك بەرىلگەن قازاقستان رەسپۋبليكاسىنىڭ ۆەدومستۆولارى (مەملەكەتتىك تەرگەۋ جانە مەملەكەتتىك كەدەن كوميتەتتەرى) تاراتىلدى.
ونىڭ ۇستىنە، شارتتا كوزدەلگەن وسى سالاداعى ىنتىماقتاستىق تاۋەلسىز مەملەكەتتەر دوستاستىعى شەڭبەرىندە جاسالعان باسقا حالىقارالىق كەلىسىمدەرمەن:
- ت م د- عا مۇشە مەملەكەتتەردىڭ اۋماقتارىندا قۇقىق قورعاۋ ورگاندارى قىزمەتكەرلەرىنىڭ بولۋى مەن ءوزارا ءىس-قيمىل ءتارتىبى تۋرالى شارتپەن (2000-جىلعى 28- ساۋىردەگى 44№ -II ق ر زاڭىمەن راتيفيكاتسيالانعان)؛
- ت م د- عا قاتىسۋشى مەملەكەتتەردىڭ ادامداردى مەملەكەتارالىق ىزدەستىرۋ تۋرالى شارتىمەن (2013-جىلعى 16- قازانداعى 135№ -V ق ر زاڭىمەن راتيفيكاتسيالانعان)؛
- ت م د- عا قاتىسۋشى مەملەكەتتەردىڭ ادامداردى مەملەكەتارالىق ىزدەستىرۋدى جۇزەگە اسىرۋ جونىندەگى قۇزىرەتتى ورگاندارىنىڭ رەگلامەنتىمەن (ت م د ۇكىمەت باسشىلارى كەڭەسىنىڭ 2015-جىلعى شەشىمىمەن بەكىتىلگەن) رەتتەلەدى.
اتالعان شارتتىڭ قولدانىلۋىن توقتاتۋ ماسەلەسى قىرعىز تاراپىمەن كەلىسىلگەن جانە قىلمىسقا قارسى ءىس-قيمىل سالاسىنداعى ەكىجاقتى ىنتىماقتاستىق ءۇشىن تەرىس قۇقىقتىق سالدارعا اكەپ سوقپايدى.
وسىعان بايلانىستى «قازاقستان رەسپۋبليكاسىنىڭ حالىقارالىق شارتتارى تۋرالى» زاڭنىڭ 18-بابىنىڭ 3-تارماعىنا سايكەس مەملەكەت باسشىسىنىڭ قازاقستان تاراپىنىڭ اتالعان حالىقارالىق شارتقا قاتىسۋشى بولماۋ نيەتى تۋرالى جارلىعى قابىلداندى.
