ءاليحان سمايىلوۆ پەن ا ق ش ەلشىسى دەنيەل روزەنبليۋم ەكىجاقتى ىنتىماقتاستىقتى تالقىلادى

استانا. قازاقپارات – ق ر پرەمەر-ءمينيسترى ءاليحان سمايىلوۆ پەن ا ق ش ەلشىسى دەنيەل روزەنبليۋم قازاقستان رەسپۋبليكاسى مەن امەريكا قۇراما شتاتتارى اراسىنداعى ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى، دەپ حابارلايدى قازاقپارات.

ۇكىمەت باسپا ءسوز قىزمەتىنىڭ مالىمەتىنشە، قازاقستان ا ق ش- تى ەكىجاقتى جانە كوپجاقتى فورماتتاعى ستراتەگيالىق سەرىكتەسى سانايدى.

بۇگىندە ق ر- دا 900 دەن استام بىرلەسكەن كاسىپورىن تابىستى جۇمىس ىستەيدى.

«ءبىز امەريكا قۇراما شتاتتارىمەن بۇعان دەيىنگى ءتيىمدى ىنتىماقتاستىعىمىزدى كۇن تارتىبىندەگى كەڭ اۋقىمدى ءوزارا ءىس-قيمىل بويىنشا ودان ءارى تەرەڭدەتۋگە جانە نىعايتۋعا نيەتتىمىز»، — دەدى ءاليحان سمايىلوۆ.

بىلتىر ەلدەر اراسىنداعى تاۋار اينالىمى شامامەن %40 عا ءوسىپ، $3,1 ميلليارد بولدى.

وسى رەتتە قازاقستان ساۋدا كولەمىن ودان ءارى ارتتىرۋعا الەۋەتتى جانە قۇنى $800 ميلليون بولاتىن 90 تاۋار ءتۇرىنىڭ ەكسپورتىن ارتتىرۋعا دايىن.

ا ق ش - قازاقستانعا تىكەلەي ينۆەستيتسيا تارتۋ بويىنشا كوشباسشى ەلدەردىڭ ءبىرى.

بىلتىر امەريكالىق ينۆەستيتسيا ەكى ەسەگە جۋىق ءوسىپ، $5,1 ميلليارد استى. بۇل - پاندەمياعا دەيىنگى رەكوردتىق دەڭگەيگە تەڭ كورسەتكىش.

ءوز كەزەگىندە دەنيەل روزەنبليۋم قازاقستان- امەريكا قارىم-قاتىناستارىن ورتاق مۇددە نەگىزىندە ودان ءارى دامىتۋعا زور الەۋەت بار ەكەنىن اتاپ ءوتتى.

«ءبىز ينۆەستيتسيالىق كورسەتكىشتەردى نىعايتىپ، ەكىجاقتى تاۋار اينالىمىن ارتتىرعىمىز كەلەدى. ا ق ش كومپانيالارى قازاقستاندا ءتۇرلى سالالارداعى قىزمەت اۋقىمىن كەڭەيتۋگە مۇددەلى. بۇل تاۋ- كەن مەتاللۋرگيا كەشەنى، اۋىل شارۋاشىلىعى، دەنساۋلىق ساقتاۋ سالاسى، اقپاراتتىق-كوممۋنيكاتسيا جانە جاسىل تەحنولوگيالارعا، سونداي-اق كولىك سالاسىنا قاتىستى»، — دەدى دەنيەل روزەنبليۋم.

سونداي-اق ول بيىل جازدا ءتۇرلى سەكتوردا قىزمەت ەتەتىن 20 عا جۋىق امەريكالىق كومپانيا ىسكەرلىك ماقساتتا قازاقستانعا كەلۋدى جوسپارلاپ وتىرعانىن ايتتى.

كەزدەسۋ قورىتىندىسى بويىنشا تاراپتار ىنتىماقتاستىقتىڭ ءوزارا ءتيىمدى بارلىق باعىتى بويىنشا بايلانىستى بەلسەندى تۇردە جالعاستىرۋعا دايىن ەكەندىكتەرىن راستادى.