اتىراۋدا ءداستۇرلى ساداق اتۋدان «التىن وردا» حالىقارالىق ءتۋرنيرى اياقتالدى
ساداقشىلار 30 مەتردەن 70 مەترگە دەيىنگى قاشىقتىققا ارنالعان پۋتا، ورتا ازيا، جامبى نىسانا تۇرلەرى بويىنشا مەرگەندىك شەبەرلىكتەرىن سىناستى.
اتىراۋ وبلىسى اكىمىنىڭ ورىنباسارى جاسۇلان بيسەمبيەۆ پەن ق ر ۇلتتىق سپورت قاۋىمداستىعىنىڭ ۆيتسە-پرەزيدەنتى - باس حاتشىسى تاستانبەك ەسەنتايەۆ اتالعان شاراعا ارنايى قاتىسىپ، جەڭىمپازداردى ماراپاتتادى.
«11 مەملەكەتتىڭ باسىن قوسىپ، سايىستا كەرەمەت ونەر كورسەتكەن ساداقشىلار مەن مەيماندار اتىراۋ وڭىرىنە قوش كەلدىڭىزدەر! تاريحي ءداستۇردىڭ جاندانۋىنا بىردەن-ءبىر سەپتىگىن تيگىزىپ جاتقان ساداق اتۋدان «التىن وردا» حالىقارالىق تۋرنيرىنىڭ ءبىزدىڭ وڭىردە ءوتىپ جاتقانىن ماقتانىشپەن ايتا الامىز. وسى ورايدا، سايىستىڭ وتۋىنە ۇيتقى بولعان «Batu Han zhebesi» اتىراۋ وبلىستىق فەدەراتسياسىنىڭ باسشىسى بەكسۇلتان ماراتقا اتىراۋ وبلىسى اكىمىنىڭ العىس حاتى تابىستالادى. مادەنيەت پەن ءداستۇر، ۇلتتىق ءداستۇرىمىزدىڭ جاندانۋىنا ارنالعان اۋقىمدى شارالار ءالى دە ءوز جالعاسىن تابادى»، - دەدى وبلىس اكىمىنىڭ ورىنباسارى ج. بيسەمبيەۆ.
ال، ق ر ۇلتتىق سپورت قاۋىمداستىعىنىڭ ۆيتسە-پرەزيدەنتى - باس حاتشىسى تاستانبەك ەسەنتايەۆ جارىستىڭ ماڭىزدىلىعىنا توقتالدى.
«دانا حالقىمىزدىڭ قاسيەتتى تىلىندە «مەرگەن» دەيتىن ءسوز بار. جاۋگەرشىلىك زاماندا ساداق اتۋ مەن مەرگەندىك ونەر ەلدىڭ تۇتاستىعى مەن بەكەمدىگى ءۇشىن باعا جەتپەس قۇندىلىق بولىپ سانالعان. ال، بۇگىندە ساداق اتۋ ونەرمەن قوسا - ۇلكەن سپورت.
وزدەرىڭىزگە بەلگىلى، ءداستۇرلى ساداق اتۋ سپورتى ەلىمىزدە ۇلتتىق سپورت تۇرىنە جاتادى. ال، ۇلتتىق سپورتىمىزدىڭ دامۋى مەن دۇرىس ناسيحاتىن مەملەكەت باسشىسى قاسىم-جومارت توقايەۆ ءوزىنىڭ ەرەكشە باقىلاۋىندا ەكەنىن بىرنەشە رەت ايتىپ، ۇلتتىق سپورتتى دامىتۋ كونتسەپتسياسىن ازىرلەۋدى، ۇلتتىق سپورتىمىزدى وليمپيادالىق سپورت تۇرلەرىمەن دەڭگەيلەس ەتىپ كوتەرۋ كەرەكتىگىن جانە كەلەسى جىلى ەلىمىزدە وتەتىن V كوشپەندىلەر ويىندارىن وتە جوعارى دەڭگەيدە وتكىزۋگە تاپسىرما بەرگەن بولاتىن. بۇگىنگى تاڭدا ءبىز وسى باعىتتا جۇيەلى جۇمىستار جۇرگىزىپ جاتىرمىز. وسىناۋ جارىسقا الىس-جاقىن شەتەلدەردەن كوپتەگەن سپورتشىلار كەلدى. بۇل ءتۋرنيردىڭ قانشالىقتى جوعارى دەڭگەيدە وتكەندىگىنىڭ كورسەتكىشى دەپ سانايمىن» دەدى تاستانبەك قۇتجان ۇلى.
تۋرنير قورىتىندىسىنا سايكەس، ەرلەر اراسىنان پۋتا نىسانا تۇرىنەن (70 مەتر) 1- ورىن ىنتىماق ءمۇرادىل ۇلى (قىرعىزستان)، 2-ورىن بەكسۇلتان مارات (قازاقستان، اتىراۋ)، Ⅲ-ورىن باقىت توقتوماتوۆ (قىرعىزستان). ايەلدەر اراسىنان (60 مەتر) 1- ورىن دينارا جاقسىلىقوۆا (قازاقستان، استانا)، 2-ورىن يامبيدونچير بايارتسەتسەگ (موڭعوليا)، 3-ورىن اليا يشمۋراتوۆا (رەسەي).
ەرلەر اراسىنان ورتالىق ازيا نىسانا تۇرىنەن (40 مەتر) 1- ورىن اككايا حاياتي (تۇركيا)، 2-ورىن باقىت توقتوماتوۆ (قىرعىزستان)، 3-ورىن رۋستام نوگويبايەۆ (قىرعىزستان). ايەلدەر اراسىنان 1- ورىن اليا يشمۋراتوۆا (رەسەي)، 2-ورىن فاريزا سابىرجان (قازاقستان، استانا)، 3-ورىن دينارا جاقسىلىقوۆا (قازاقستان، استانا).
ەرلەر اراسىنان جامبى نىسانا تۇرىنەن (30 مەتر) 1- ورىن سامال زۋلپىحاروۆ (قازاقستان، ماڭعىستاۋ)، 2-ورىن ماقسات ابدىكەرىموۆ (قازاقستان، شىمكەنت)، 3-ورىن ەربول تاپەنوۆ (قازاقستان، استانا). ايەلدەر اراسىنان 1- ورىن نورسياني بينتي موحد Hop (مالايزيا) 2-ورىن جازيرا كۋزەكباي (قازاقستان، استانا)، 3-ورىن تساريتسا انجەلا (قازاقستان، استانا) يەلەنىپ، مەدەلدار مەن ديپلومدار جانە اقشالاي سىياقىلارمەن ماراپاتتالدى.
ايتا كەتەيىك، ءدۇبىرلى دودادا 11 مەملەكەتتەن سونىڭ ىشىندە قازاقستاننان 150 گە جۋىق مەرگەن باق سىنادى. ءتۋرنيردىڭ ۇيىمداستىرۋشىسى – ق ر ۇلتتىق سپورت قاۋىمداستىعى، ق ر ساداق اتۋ فەدەراتسياسى جانە «Batu Han zhebesi» وبلىستىق ءداستۇرلى ساداق اتۋ فەدەراتسياسى. ال، ءتۋرنيردىڭ باس سەرىكتەسى - «سامۇرىق قازىنا» ا ق، ال، سەرىكتەسى «Sportqory» سپورتتى قولداۋ قورى بولدى.
