نەگىزگى ۇ ب ت- عا تۇلەكتەردەن ءوتىنىش قابىلداۋ باستالدى
نەگىزگى ۇ ب ت- عا وتىنىشتەردى قابىلداۋ 28- ساۋىردە باستالىپ، 14- مامىرعا دەيىن جالعاسادى.
مەملەكەتتىك ءبىلىم بەرۋ گرانتىن تاعايىنداۋ كونكۋرسىنا قاتىسۋعا ارنالعان ۇ ب ت 16- مامىردان 5- شىلدەگە دەيىن وتەدى.
بارلىق تالاپكەرگە ۇ ب ت- نى تاپسىرۋعا 2 مۇمكىندىك بەرىلەدى.
عىلىم جانە جوعارى ءبىلىم مينيسترلىگىنىڭ شەشىمى بويىنشا 2023-جىلى تالاپكەرلەر نەگىزگى ۇ ب ت- نى ەكى رەت تاپسىرىپ، ەڭ ۇزدىك ناتيجەمەن گرانت كونكۋرسىنا قاتىسا الادى. سونداي-اق ولار تەستىلەۋ كۇنىن، ۋاقىتىن جانە ورنىن وزدەرى تاڭدايدى. بۇل رەتتە تالاپكەرلەر ەكى مۇمكىندىك ءۇشىن بەيىندىك پاندەردىڭ ءبىر عانا كومبيناتسياسىن بەلگىلەي الادى.
ۇ ب ت- عا قاتىسۋ ءۇشىن ۇلتتىق تەستىلەۋ ورتالىعىنىڭ http://app.testcenter.kz سايتىندا تىركەلۋ قاجەت. اتاپ وتەيىك، تىركەلۋدىڭ ءبىرىنشى كەزەڭى 28- ساۋىردەن 6- مامىرعا دەيىن، ەكىنشى كەزەڭى 7- مامىردان 14- مامىرعا دەيىن بولادى.
«تالاپكەرلەردىڭ نەگىزگى ۇ ب ت- عا دايىندىعىن جاقسارتۋ ماقساتىندا وتكەن جىلى ءار ءپان بويىنشا جەكە تاقىرىپتىق تالداۋ ەنگىزىلدى. ياعني، ءار ۇ ب ت- دان كەيىن (قاڭتار، ناۋرىز) تۇلەكتەرگە جەكە تاقىرىپتار بويىنشا بىلىمدەرىن ارتتىرۋ ۇسىنىلادى. سونىمەن قاتار، ءبىرىنشى مۇمكىندىكتى تاپسىرعاننان كەيىن ولار ەكىنشى مۇمكىندىككە دەيىن دايىندىقتارىن جاقسارتا الادى.
ودان بولەك، ءبىز تەگىن ونلاين بايقاۋ سىناقتارىن ىسكە قوستىق. ءبىلىم بەرۋ ورتالىقتارىمەن بىرلەسىپ، تەگىن ونلاين ساباقتاردى جالعاستىردىق. ال وقۋ جىلىنىڭ باسىندا ۇتو سايتىندا تەست تاپسىرمالارى قۇراستىرىلعان ادەبيەتتەر ءتىزىمى مەن تەست جوسپارى؛ «قازاقستان تاريحى» جانە «دۇنيەجۇزى تاريحى» پاندەرى بويىنشا 100 تاريحي داتا ءتىزىمى؛ «ينفورماتيكا» پانىنەن تەرميندەر ءتىزىمى؛ «قازاق ادەبيەتى» جانە «ورىس ادەبيەتى» بويىنشا ادەبي شىعارمالار ءتىزىمى جاريالاندى.
دايىندىق ساپاسىن جاقسارتۋ ءۇشىن وسى جانە باسقا دا قابىلدانعان شارالار تۇلەكتەرىمىزگە تەستىلەۋدە جوعارى ناتيجە كورسەتۋگە كومەكتەسەدى دەپ ۇمىتتەنەمىز»، - دەدى ق ر ع ج ب م ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
