بەردىبەك ساپاربايەۆقا جاڭا اتاق بەرىلدى
وبلىستىق اكىمدىكتىڭ باسپا ءسوز قىزمەتى مالىمەتىنشە، بۇگىن وتكەن وبلىستىق ءماسليحاتتىڭ كەزەكتى سەسسياسى بارىسىندا دەپۋتاتتار بەردىبەك ساپاربايەۆقا «اقتوبە وبلىسىنىڭ قۇرمەتتى ازاماتى» اتاعىن بەرۋ تۋرالى شەشىم قابىلداعان.
«سەسسيا بارىسىندا دەپۋتاتتار مەملەكەت قايراتكەرى بەردىبەك ساپاربايەۆقا، اۋىل شارۋاشىلىعى عىلىمدارىنىڭ كانديداتى سەرىكباي رزابايەۆقا، مەديتسينا پروفەسسورى ناعاشىباي اقاتايەۆقا جانە وبلىس ارداگەرلەر كەڭەسىنىڭ ءتوراعاسى سەرىك شاڭعۇتوۆقا «اقتوبە وبلىسىنىڭ قۇرمەتتى ازاماتى» اتاعىن بەرۋ تۋرالى شەشىمدى بەكىتتى»، - دەلىنگەن اكىمدىك حابارلاماسىندا.
ايتا كەتەيىك، بەردىبەك ساپاربايەۆ 2015-2019-جىلدارى اقتوبە وبلىسىنىڭ اكىمى بولعان.
بيىل قاڭتاردا ساپاربايەۆ QazBioPharm ۇلتتىق حولدينگىنىڭ تاۋەلسىز ديرەكتورى بولدى. ول ءوزىنىڭ Instagram-پاراقشاسىندا جاڭا جۇمىس ورنى تۋرالى حابارلادى.
70 جاستاعى بەردىبەك ساپاربايەۆ ءار جىلدارى پرەزيدەنت اكىمشىلىگىندە، ۇكىمەتتە جۇمىس ىستەگەن، شىعىس قازاقستان، قىزىلوردا، جامبىل، وڭتۇستىك قازاقستان وبلىستارىنىڭ اكىمى بولعان. سونداي-اق، كەدەندىك باقىلاۋ اگەنتتىگىن باسقاردى، قارجى ۆيتسە ءمينيسترى - قارجى مينيسترلىگى كەدەندىك باقىلاۋ كوميتەتىنىڭ ءتوراعاسى، پرەمەر-مينيستر كەڭسەسىنىڭ باسشىسى - ماجىلىستەگى ۇكىمەت وكىلى بولىپ جۇمىس ىستەدى. ەكونوميكا جانە بيۋجەتتىك جوسپارلاۋ ۆيتسە-ءمينيسترى، ەڭبەك جانە حالىقتى الەۋمەتتىك قورعاۋ ءمينيسترى بولدى.
بەردىبەك ساپاربايەۆ ەكى رەت پرەمەر-ءمينيستردىڭ ورىنباسارى قىزمەتىن اتقاردى.
