نەلىكتەن ادامدار ءارتۇرلى تۇشكىرەدى؟

استانا. قازاقپارات - داۋىس تەمبرى مەن ادامنىڭ جازۋى سەكىلدى تۇشكىرۋ دە ءارتۇرلى بولادى.

بىرەۋلەردىڭ تۇشكىرگەنى مۇلدەم ەستىلمەيدى، ال باسقالار تۇشكىرگەندە جانىندا وتىرعان ادامدار شوشىپ كەتەدى. نەلىكتەن ادامدار ءارتۇرلى تۇشكىرەدى؟

بۇل سۇراققا جاۋاپ تابۋ ءۇشىن تۇشكىرۋ جايلى 10 فاكت ۇسىنۋدى ءجون كوردىك.

1. تۇشكىرۋ - بۇل رەفلەكس. ەگەر رەاكسيا باستالعان بولسا، ءسىز ونى توقتاتا المايسىز.

2. تۇشكىرۋ - ەۆوليۋتسيالىق قۇبىلىس جانە ءبىزدىڭ دەنەمىزدىڭ قورعانىش مەحانيزمىنىڭ ءبىر بولىگى بولىپ تابىلادى. ول ءبىزدى باكتەريالاردان جانە بىزگە زاقىم كەلتىرۋى مۇمكىن باسقا دا فاكتورلاردان ارىلتادى.

3. تۇشكىرۋ كەزىندە اۋىزدان اۋا سەكۋندىنا 45 مەتر جىلدامدىقپەن شىعادى.

4. ساڭىراۋ ادام تۇشكىرگەندە «ءاپچي» دەگەن دىبىس شىعارمايدى. ال ەستيتىن باسقا ادامداردىڭ ءبارى دەرلىك تۇشكىرگەندە بۇل ءسوزدى ايتادى. بۇل دەگەنىمىز، دىبىستى ادام ءوزى قوسادى.

5. كەي ادامدار كەنەتتەن پايدا بولعان جارىققا تۇشكىرەدى.

6. ادام ۇيىقتاپ جاتىپ تۇشكىرمەيدى، سەبەبى بۇل رەفلەكسكە قاتىساتىن جۇيكەلەر دە بۇل ۋاقىتتا دەمالادى.

7. نەلىكتەن ادامدار ءارتۇرلى تۇشكىرەدى دەگەنگە ناقتى جاۋاپ جوق. عالىمداردىڭ كوپشىلىگى وعان ءارتۇرلى فيزيولوگيالىق ەرەكشەلىكتەرى، تاربيەسى، مىنەزى اسەر ەتەدى دەگەن پىكىرگە قوسىلادى. مۇرىن ءپىشىنى مەن سۇيەك قۇرىلىسى از بولسا دا تۇشكىرۋ تۇرىنە اسەر ەتەدى.

8. كەي پسيحولوگتار ادامنىڭ تۇشكىرۋىنە قاراپ، ول جايلى بىلۋگە بولاتىنىن ايتادى. مىسالى، ۇستامدى ادام دىبىس شىعارماي تۇشكىرۋگە تىرىسسا، ەركىن ادام قاتتى تۇشكىرەدى.

9. تۇشكىرۋ كەزىندە ادام ءلاززات الادى.

10. تۇشكىرۋ ورتالىعى مي باعاناسىنىڭ تومەنگى بولىگىندە ورنالاسقان. ميدىڭ بۇل بولىگى زاقىمدالسا، ادام تۇشكىرە الماي قالۋى مۇمكىن.

massaget.kz